काठमाडौं । नेपाल कम्युनिष्ट पार्टी (एकीकृत समाजवादी) भित्रको असन्तुष्टि साम्यभएसंगै पार्टी विभाजनबाट जोगिएको छ । असन्तुष्ट केही नेताहरुलाई स्थायी कमिटीमा ल्याइएको छ । जारी स्थायी कमिटी बैठकले नेताहरुको जिम्मेवारी बाँडफाँडका साथै आगामी कार्ययोजना ल्याउँदैछ ।

एकीकृत समाजवादीको केन्द्रीय कार्यालय आलोकनगर, काठमाडौंमा जारी स्थायी कमिटीको बैठकले ‘एक व्यक्ति एक जिम्मेवारी’ सहित कार्यविभाजन गर्दैछ । केही नेताहरुलाई स्थायी कमिटीमा र केहीलाई महत्वपूर्ण जिम्मेवारी सहित पार्टी निर्माणमा खटाउने नेतृत्वको निर्णयसंगै तत्काल पार्टी विभाजनमा जोगिएको एक पदाधिकारीले जनाएका छन् ।

नेताहरु उत्साहका साथ अब पार्टी निर्माणमा जुट्ने बताइएको छ । एकीकृत समाजवादीमा अब कुनै किसिमको विवाद वा मतभेद नभएको पार्टीले निष्कर्ष निकालेको छ । महाधिवेशन पश्चात पार्टीमा तिक्तता देखिएको भए पनि त्यसलाई समाधान गर्दै प्रत्येक नेतालाई जिम्मेवारी दिदै पार्टी निर्माणमा खटाउने पार्टीले तयारी गरेको छ ।

एकीकृत समाजवादीका उपाध्यक्ष एवं प्रवक्ता जगन्नाथ खतिवडाले स्थायी कमिटी बैठकले तत्काल कुनै पार्टीसँग एकताको सम्भावना नरहेको निचोड बैठकले निकालेको जनाएका छन् । बैठकले सबै नेतालाई ठोस जिम्मेवारीका साथ कार्यक्षेत्रमा खटाउने तयारी भईरहेको छ । जारी बैठकले नै निर्णय गर्दै पार्टीलाई अझै बलियो बनाउने निष्कर्ष निकालेको उनले बताए ।

सोमबारको बैठक पश्चात संचारकर्मीसंग प्रवक्ता खतिवडाले भने, ‘देशका अन्य कुनै पार्टीसँग एकीकरण, एकता गर्ने सम्भावना नरहेको जानकारी गराउन चाहन्छौँ । आगामी निर्वाचनमा एकीकृत समाजवादी सशक्त पार्टीको रूपमा उभ्याउने, कलम चिह्नका उमेदवारलाई देशैभरि स्थापित गराउने भन्ने विषयमा छलफल केन्द्रित छ ।’

एकीकृत समाजवादीका उपमहासचिव रामकुमार भट्टराईले पार्टी महाधिवेशन पश्चात देखिएको मतभेद, असन्तुष्टिलाई यो बैठकले सम्बोधन गरेको बताए । ‘यस बीचमा पार्टी विभाजनको हल्ला जुन चलाइएको थियो । त्यो हल्ला मात्रै हो । पार्टी एकढिक्का भएर अगाडी बढेको छ । महाधिवेशन पछि देखिएका असन्तुष्टि, मतभेदलाई समाधान गरिएको छ । पार्टी नेतृत्वले सबैको कुरा सुनेर सबैलाई ठोस जिम्मेवारीका साथ कार्यक्षेत्रमा खटाउँने सम्झदारी बनेको छ । बैठकले ठोस जिम्मेवारी तोकेर पार्टी निर्माणको काम अगाडी बढाउदैछ ।’

पछिल्लो समय एकीकृत समाजवादी पार्टी विभाजनको हल्लाले नेताहरु त्रसित बनेका थिए । यस्तै पार्टी माओवादी केन्द्रसंग एकीकरण गर्ने भनिए पनि बैठकले कुनै पनि दलसंग एकता नगर्ने निचोड निकालेको छ ।

एमाले र कांग्रेस मिलेपछि प्रधानमन्त्री केपी शर्मा ओलीले अध्यादेश ल्याएर एकीकृत समाजवादी सहित अन्तरद्धन्द्धमा फसेका साना दलहरू विभाजन गर्ने रणनीति लिएका थिए । त्यसमा ओलीभन्दा बढी एकीकृत समाजवादीकै नेताहरुको सक्रियता रहेको थियो । तर कांग्रेसकै नेताहरुका कारण अध्यादेश नआएपछि एकीकृत समाजवादी सहित अन्तरद्धन्द्धमा फसेका साना दलहरु विभाजनबाट जोगिएका हुन् ।

एकीकृत समाजवादीमा विवाद विभाजनसम्म पुगेपछि असन्तुष्टि र विभाजनलाई रोक्न भन्दै केही नेताहरूले अध्यक्ष माधवकुमार नेपाललाई ज्ञापनपत्र नै बुझाएका थिए । त्यसैका आधारमा पार्टीमा जिम्मेवारी बाँडफाँड गर्न र स्थायी कमिटीमा बढुवा गर्न कार्यदल गठन गरिएको थियो । कार्यदलले तयार गरेको सो प्रस्ताव ’boutमा स्थायी कमिटी बैठकमा छलफल चलिरहेको छ ।

१६ देखि २२ असारसम्म चलेको महाधिवेशनबाट अध्यक्ष माधवकुमार नेपाल, सम्मानित नेता झलनाथ खनाल, महासचिव घनश्याम भुसाल र ९३ जना केन्द्रीय सदस्यको सर्वसम्मत भएका थिए ।

उक्त कमिटीको बैठकले १८ साउनमा केन्द्रीय सदस्य थपेर ३४४ जना बनाएको थियो । ११ भदौमा केन्द्रीय सदस्यको मतदानबाट बाँकी पदाधिकारी र पोलिटब्युरो चयन गरेको थियो । निर्वाचनबाट १८ पदाधिकारी र ८४ जना पोलिटब्युरो सदस्य निर्वाचित भएका थिए ।

प्रदेश, जिल्ला, जनसंगठन, विभाग र प्रवास कमिटीका इञ्चार्ज, सहइञ्चार्ज तोक्नुपर्नेछ । त्यसका लागि अध्यक्ष नेपालको संयोजकत्वमा कार्यदल गठन गरेको थियो । उक्त कार्यदलमा अध्यक्ष नेपाल, सम्मानित नेता झलनाथ खनाल, वरिष्ठ उपाध्यक्ष राजेन्द्रप्रसाद पाण्डे, वरिष्ठ नेता वेदुराम भुसाल, प्रमेश हमाल, घनेन्द्र बस्नेत र महासचिव घनश्याम भुसाल छन् ।

सम्बन्धित समाचार

चीनसँग ‘बीआरआई सहकार्य फ्रेमवर्कमा’ भएन सम्झौता के छ नेपाल–चीन ‘फ्रेमवर्क अफ बेल्ट एन्ड रोड कोअपरेसन’मा ? १८ महिना सरकार चलाएपछि देउवालाई हस्तान्तरण गर्छु : प्रधानमन्त्री ओली भुटानी नरेशद्वारा स्वयम्भूनाथ दर्शन सरकार ढल्नसक्ने प्रधानमन्त्री ओलीद्वारा संकेत ! रवि लामिछानेविरुद्ध ३ वटा कसुरमा मुद्दा चलाउनुपर्ने रायसहितको प्रतिवेदन पेस गरिँदै राष्ट्रपतिद्दारा ५ देशका राजदुत नियुक्त, बेल्जियमका लागि सेवा लम्साल दाङमा पूर्वराजा ज्ञानेन्द्र आएपछि समर्थकले भने– ‘राजा आउ देश बचाऊ’ रविलाई सरकारले जिल्ला-जिल्ला घुमाएको होइन, कुनै पूर्वाग्रह पनि छैन: कांग्रेस प्रवक्ता डा. महत पर्दापछाडिका महानायकको अवसान !