पोखरा । अभिनेत्री मनीषा कोइरालाले आफू जीवनको तेस्रो घुम्तीमा रहेको बताएकी छन् । पोखरामा बिहीबारदेखि सुरु १२ औं लिटरेचर फेस्टिभलमा पत्रकार विजयकुमारसँग गफिदै उनले सो कुरा बताएकी हुन् ।

‘मेरो जीवनका तीन घुम्तीहरू छन्, जहाँसम्म मलाई सम्झना छ, एउटा त फिल्म इन्डष्ट्री । दोस्रो जब मलाई क्यान्सर भयो । मलाई थाहा थिएन, बाँच्छु वा मर्छु,’ उनले भनिन्, ‘अहिले म ५४ वर्षकी भएँ । मेरो कोशिस के छ भने नौलो जिन्दगी हुनेछ । मसँग यत्रो वर्षको भोगाइ, पीडा र सुखदुःखको एउटा अनुुभव छ । त्यसलाई लिएर अब अगाडि कसरी बढ्ने ? भनेर अहिले तेस्रो घुम्तीमा छु ।’

उनले अगाडि भनिन्, ‘म जहिले जवान थिए, मसँग असाध्यै ऊर्जा थियो । त्यसैको प्रभावले कहिले निकै उचाइमा पुुगें, खस्दा पनि छर्लङ्ग नै खसें ।’

आफू क्यान्सरबाट पीडित हुँदा मृत्युुको बोध वा भयले घेरिएको स्मरण गरिन् । उनले भनिन्, ‘एक्लोपनले गिंजोलेको थियो । मृत्यु, मलाई लाग्छ हामी सबैको एक न एक दिन सत्य हुन्छ । कसैको छिटो, कसैको ढिला । तर, हामीले एक दिन भोग्नुु नै पर्छ । त्यसपछि मलाई लाग्यो कि मैले बाँच्न पाए भने कस्तो जीवन बाँच्ने भनेर मैले त्यतिखेर नै सोचेको थिएँ कि ल यस्तो, यस्तो, यस्तो गर्छु भनेर । बाँच्न पाए अहिले त्यही बाटोमा हिँडेर म हिँडिरहेको हुन्छु ।’

उनले अहिलेको समय जीवनको अन्तिम क्षण र अन्तिम दिनहरू भएको बताइन् । उनले जीवनको बोध सुनाइन्, ‘हरेक मान्छेहरूको सोच फरक हुन्छ । तपाईंसँग एकजना होस्, दसजना होस्, कोही नहोस् तर तिमी शान्त छौं भने केही हुँदैन । हामीलाई गाह्रो कहाँनेर हुन्छ भने जब हामीले अपेक्षा राख्छौं । यसले माया गर्देला, मलाई दुःख परेको बेलामा यो मान्छे उभिन्छ होला भनेर अपेक्षा गर्छौं । तर, उभियो भने ठीकै छ नउभिएपनि ठीकै छ नि त ! भनेर स्वीकार गर्न सक्नुुपर्छ ।’

उनले सिर्जनशीलतामा जोड दिनुपर्ने सुझाव दिइन् । राजनीतिक परिवारमा हुर्किएपछि केटाकेटीदेखि नै राजनीति’bout सुन्दासुन्दा रुचि कम रहेको स्पष्ट पारिन् । उनले नेपाली सिनेमाको बजार राम्रो रहेको बताइन् । उनले भनिन्, ‘पूूर्णबहादुरको सारङ्गी’ भन्ने सिनेमा छ नि पहिलो ५० करोड बढी कमाउने । यो सुरुआत हो किनकि पहिलेपहिले नेपाली सिनेमाको बजेट र निर्माताले पाउने बजेट ३० लाखमात्रै हो । अहिले सय करोडमा पुगेपछि सम्भावनाको ढोका खुलेका छन् ।’

सम्बन्धित समाचार

एक्टर चलचित्रविरुद्ध एक्टर: टेक वनको पनि मुद्दा सांगीतिक प्रस्तुतिबिच ‘गोपाल योञ्जन’ पुस्तक लोकार्पित १३ औँ नेपाल अफ्रिका अन्तर्राष्ट्रिय चलचित्र महोत्सवमा १९ अन्तर्राष्ट्रिय चलचित्र अञ्जिलाको बेलायतमा रेड कार्पेट प्रिमियर प्रजातन्त्र दिवसको पूर्व सन्ध्यामा सात सालको कथा साकिरा अस्पताल भर्ना, पेरुको कन्सर्ट अन्योलमा मण्डलामा उम्लिँदो खरानी र लेम्लेम्मा पाटन उच्च अदालतबाट लाज शरणमको प्रचार सामग्री रोक्न आदेश चलचित्र तान्डवम् सेन्सरमा रोकिएपछि प्रिमियर स्थगित यो मन त मेरो नेपाली हो असारमा ‘लाज शरणम्’ लाई सेन्सर बोर्डले दियो युनिभर्सल सर्टिफिकेट १३ औँ नेपाल अफ्रिका अन्तर्राष्ट्रिय चलचित्र महोत्सवमा छक्का पन्जा ५ र गुड मोदर उत्कृष्ट