मुगु । गएको पुष–माघ महिनादेखि हिमपात र पानी नपरेको मुगुमा फागुनको दोस्रो साता शुक्रवार बिहानैदेखि उच्च भेगमा हिमपात र बेसीमा वर्षा भइरहेको छ । लामो अन्तरालपछि हिमपात र वर्षा हुँदा स्थानीय खुसी भएका छन् ।

जिल्लामा गएका हिउँदका दुई महिना पुष–माघ पानी र हिमपात नहुँदा हिउँदे बाली गहुँ, जौ र उवाको खडेरीले बृद्धि विकास हुन सकेको थिएन, अब लामो खडेरीपछि पानी परेको छ । हिउँदे वालीका साथै बर्षे बालीका लागि पाखो बारीमा लगाइने धान, कोदो, काउनो जोत्न राम्रो हुने भन्दै यहाँका किसानहरु खुसी भएको बताइएको छ ।

मुगुको सदरमुकाम गमगढी र आसापासका क्षेत्रमा शुक्रवार विहानै देखि दिउँसोसम्म लगातार पानी परेको छ, भने जिल्लाको उच्च हिमाली क्षेत्रमा हिमपात भइरहेको छ । साथै जिल्लाको माथिल्लो क्षेत्र मुगुम कार्मारोङ्ग गाउँ पालिकाका वस्तीहरु दोल्फु, मुगु, ताखा, खारी, पुअ, रिउसलगायत छायानाथ क्षेत्रमा हिउँ परिरहेको कार्मारोङ गाउँ पालिका–६ का पेमा तोर्चे लामाले राजधानीलाई बताए ।

त्यस्तै सदरमुकाम गमगढीको छायानाथ रारा नगरपालिकाका वस्तीहरु श्रीनगर, कार्की वाडा, रोवा, पिना, ताल्च, तुममा पनि लगातार पानी परिरहदा मानवीय जनजीवनमा चिसोले कष्टकर बन्दै गएको छ ।

मुगुका लागि नेपालगञ्जवाट गरिने सवै नियमित उडान शुक्रवार अवरुद्ध भएको नागरिक उड्यन प्राधिकरण कार्यालय नेपागञ्जले जानकारी दिएको छ ।

सम्बन्धित समाचार

राराको डाँफे होटलमा आगलागी हरिवनमा निःशुल्क आँखा शिविर सञ्चालन बस्तीमा मृत भेटियो जंगली हात्ती रमाइलो माहोलमा जब बेलुन विस्फोट भयो… दुगड दम्पतिको वैवाहिक वर्षगाँठमा विपन्न विद्यार्थीलाई शैक्षिक सामग्री पतौरामा भेटियो गुप्तकालका अर्को मन्दिर अपांगता सहायता सामग्री उत्पादनसम्वन्धी कार्यशाला सम्पन्न ३८ वर्ष पुरानो भ्रष्टाचार मुद्दा विशेष अदालतबाट फैसला हरिपुर्वा नगरपालिकामा नगर अस्पताल सञ्चालन, स्थानीय खुसी ई–पासपोर्ट छपाइका लागि ३ वटा अन्तर्राष्ट्रिय कम्पनी प्रतिस्पर्धामा सिड समितिले दिएको निष्कर्ष र सुझाववाट मन्त्री सुडी सन्तुष्ट एन प्याव्सनको आठौं महाधिवेशन वीरगन्जमा सुरु