रौतहट । संघन सहरी तथा भवन निमार्ण आयोजना वीरगञ्जले रौतहटको चन्द्रपुर नगरपालिका वाड नं.२, ३, ४ र ५ मा भएका बिकाशका बिभिन्न योजनाहरु सम्पन्न गरी हस्तान्तरण गरेको छ । शहरी बिकाश मन्त्रालय अन्र्तरगत संघन सहरी तथा भवन निर्माण आयोजना वीरगञ्जले हिजो शुक्रबार एक कार्यक्रमकाबीच चन्द्रपुर नगरपालिकाका नगर प्रमुख संजयकुमार काफ्लेलाई हस्तान्तरण गरेको हो ।

संघन सहरी तथा भवन निमार्ण आयोजना वीरगञ्जले बिभिन्न ४ वटा योजनाको निमार्णका लागि बिनायक–प्रजिल जेभी सुकुल ढोका भक्तपुरलाई ठेक्का लगाएको थियो । सो ४ वटा योजना सम्पन्न गर्नका लागि १६ करोड १२ लाख २१ हजार ३ सय ६५ रुपैयाँको लागतमा विनायक–प्रजिल जेभी भक्तपुरले ठेक्का लिएको थियो ।

सो ४ वटा योजनाको अनुमानित लागत २४ करोड ८८ लाख ४३ हजार ८८६ रहेको भए तापनि निर्माण कम्पनीले १६ करोड १२ लाख २१ हजार ३६५ रुपैयाँमा सकार गरेको थियो । ४ वटा योजना मध्ये वाड नं. २ जुडिबेला प्रवेशद्वारबाट असनवा सम्मको ३ किलोमिटर ४ सय मिटर सडक कालोपत्रे र सडकको दुबै तर्फ नाला निमाार्ण कार्य गरेको ठेकेदार कम्पनीका प्रतिनिधि इन्जिनियर मनिषकुमार सिंहले जानकारी दिएका छन् ।

यसैगरी वाड नंं ३ गैडाटारमा हाट बजारको सेड निमार्ण, वडा–४ टेकानटोलमा चार्जिङसहितको बसपार्क निर्माण र वडा नंं ५ मा ३ सय ५० मिटर नालासहित सडक कालोपत्रे गरेको उनले जानकारी दिए ।

कार्य सम्पन्नको पत्र बुझदै नगर प्रमुख काफ्लेले समयमा नै काम सम्पन्न गरिदिएकोमा निर्माण कम्पनीलाई धन्यबाद दिए । नगर प्रमुख काफ्लेले नव निर्मित बसपार्कको हिजो शुक्रबार नै उद्घाटन गरे । बसपार्क केही दिनभित्रै ब्यबस्थित रुपमा सञ्चालन गरिने नगर प्रमुख काफ्लेले बताए ।

सम्बन्धित समाचार

बैंकहरूले दिएको ऋण डुब्ने संकेत राम्दी–रानीमहल सडकखण्ड निर्माण धमाधम गोलियाबाट वार्षिक २२ करोड बढी राजस्व सङ्कलन सुन्दरहरैँचा विराट एक्स्पोमा २२ साहित्यकारको जमघट बिस्कुट उद्योगले ९७ जना मजदुर निकालिएपछि आन्दोलन कुलमानको अराजक गतिविधिमाथि सरकार सधैं हेरेर बस्दैन: ऊर्जामन्त्री खड्का शिक्षा, स्वास्थ्य र पुर्वाधार विकास बिना मुलुकको विकाश असम्भवःमन्त्री साह सुनचाँदीको मूल्य बढ्यो नेपाल-भारत ऊर्जा सहकार्यमा तीव्रता, प्रसारण लाइन विस्तारले नयाँ गति लिने २ खर्ब रुपैयाँको कृषिजन्य वस्तु आयात