बागलुङ । बागलुङमा जंगलमा भेटेको कन्दमूल खाँदा एक जनाको मृत्यु भएको छ भने आठजना बिरामी परेका छन्।
जङ्गलमा पाइने कन्दमूल (जङ्गली भ्याकुर) खाँदा बडिगाड गाउँपालिका–५ खाराबजारकी ७२ वर्षीया फिरककुमारी घिमिरेको मृत्यु भएको हो। अन्य आठ जना बिरामी परेका छन्। उनीहरु सबैले स्थानीय भोजराज घिमिरेको घरमा पकाएको भ्याकुर खाएका पाइएको छ।
भ्याकुर सेवन गरिसकेपछि चक्कर लाग्ने, हातखुट्टा लुलो हुने, वान्ता हुने गरेको पीडितले बताएका छन्। यस्तै बडिगाड गाउँपालिका–५ का दुरपती कामी, विष्णु घिमिरे, शारदा न्यौपाने, अबिसन घिमिरे, भोजराज घिमिरे, सुरेन्द्र विक, पुतली घिमिरे र खिमानन्द घिमिरे बिरामी भएका छन्।
सबै बिरामीलाई उपचारका लागि बुर्तिबाङ अस्पताल लगिएको जिल्ला प्रहरी कार्यालय बागलुङका सूचना अधिकारी चिरञ्जीवी अधिकारीले जानकारी दिए।
तपाइको प्रतिक्रिया
(Visited 31 times, 1 visits today)
