काठमाडौं । बाल चलचित्र ‘रोल नं १’को ट्रेलर सार्वजनिक गरिएको छ । जसमा कमजोर आर्थिक अवस्थाका कारण छोराको विद्यालय शुल्क तिर्न नसक्दा छोरालाई निःशुल्क पढ्न प्रथम हुनै पर्ने वुवाको दबाब समेटिएको छ ।

छात्राबृत्तिको नाममा निमुखा, विपन्न भन्दा धनीकै छोराछोरीले सहुलियत पाउने र गरिवका सन्तान शुल्क तिर्न नसकेर पढाईबाट विमुख हुनुपर्ने ग्रामिण क्षेत्रका समस्यालाई ट्रेलरमा समेटिएको छ ।

जोन योञ्जन निर्देशित चलचित्र ‘रोल नं १’मा मुकुन भुसाल, सुशांक मैनाली, रेणु योगी, सिर्जना अधिकारी, निर्भीक रेग्मी, रिन्छेन लामा, संयम कटुवाल, सिजल श्रेष्ठलगायतको अभिनय छ । यो १५ जेठमा रिलिज हुँदैछ । चलचित्रलाई विनोद पौडेलले निर्माण गरेका हुन् ।