मुम्बई । अभिनेता विजय थलापति (सी. जोसेफ विजय)ले तमिलनाडुको मुख्य मन्त्री भएको तीन दिन भित्रै तिन वर्ष पुरानो नियम रद्द गरेका छन् । उनले अब त्यहाँ बिहानीको सोमा चलचित्र प्रदर्शन हुने अनुमति दिएका छन् ।

विद्यार्थीहरूले स्कुल छाडेर बिहानीको सोमा चलचित्र हेर्न गएको उजुरी बारम्बार परेपछि अघिल्लो सरकारले तमिलनाडुमा प्रदर्शन हुने चलचित्रको बिहानी सोमा रोक लगाएको थियो । त्यहाँ ११ बजेपछि मात्र चलचित्र देखाउन पाउन नियम लगाइएको थियो । यही नियमलाई हटाएर मुख्य मन्त्री एवम् अभिनेता विजयले तमिलनाडुमा बिहान ९ बजेबाट चलचित्र प्रदर्शन गर्न पाउने पुरानो नियमलाई सदर गरेका छन् ।

त्यसो त विजयकै प्रेमिका भनेर चिनिएकी अभिनेत्री त्रिशा कृष्णनको चलचित्र ‘करुप्पु’ यही बिहीबार ३१ वैशाखबाट रिलिज हुँदै छ । आफ्नो प्रेमिकाको चलचित्रलाई व्यावसायिक फाइदा मिलोस् भनेर पनि नवनिर्वाचित मुख्यमन्त्री विजय थलापतिले चलचित्र प्रदर्शन गर्न बिहानीको सो खुला गरेको आरोप पनि लागेको छ । तथापि मुख्यमन्त्री विजयको निर्णयले त्रिशासँगै यो चलचित्रको निर्माता, निर्देश कृतज्ञ छन् । अरू चलचित्रकर्मीहरूले पनि विजयको यो निर्णयप्रति कृतज्ञता व्यक्त गरेका छन् ।

प्रोडक्सन हाउसले मुख्यमन्त्री विजयको लागि यो निर्णयको स्वागत गर्दै विज्ञप्ति र सामाजिक सञ्जालमा लेखेको छ,‘चलचित्र करुप्पुको बिहान ९ बजेबाट प्रदर्शन गर्न विशेष अनुमति दिएकोमा हाम्रा मुख्यमन्त्री जोसेफ विजयलाई धन्यवाद । अब हाम्रो चलचित्र तमिलनाडु राज्यमा बिहीबार १४ मेदेखि बिहान ९ बजेबाट प्रदर्शन हुनेछ ।’

‘करुप्पु’ एक्सन जनराको कोर्टरूम ड्रामा चलचित्र हो । मुद्दा लड्दा लड्दै एक व्यक्ति वृद्ध भएको कथा यसमा छ । जसमा त्रिशा कृष्णनले वकिलको भूमिका निर्वाह गरेकी छिन् ।
थलापति विजय र त्रिशा कृष्णन लामो समयदेखि प्रेम सम्बन्धमा रहेको चर्चा छ ।१० मा आयोजित विजयको शपथ ग्रहण समारोहमा विशेष पहिरनमा सजिएर अभिनेत्री कृष्णन उपस्थित भएकी थिइन् । सो राजनीतिक कार्यक्रममा उनको उपस्थितिलाई धेरैले महत्त्वका साथ हेरेका थिए ।

विजय र त्रिशाले आफ्नो सम्बन्धको ’boutमा कुनै प्रतिक्रिया दिएका छैनन् । तर पनि विजयलाई जिताउन चुनावी प्रचारमा अभिनेत्री त्रिशा सक्रियताका साथ लागेकी थिइन् । सोही कारण पनि त्रिशाको चलचित्रलाई विजय बिहानीको सोमा प्रदर्शनको लागि खुलासा गरेको आरोप छ ।

सम्बन्धित समाचार

‘धुरन्धर २’को लाइभ विस्फोटमा ५०० लिटर पेट्रोल प्रयोग निताले २२ दिनमा सकिन् ‘पार्वती’ ‘लालीबजार’ रोकेपछि चलचित्रकर्मीहरू धर्नामा उत्रिए झनै बढ्यो ‘बाटुलो जुन’ वितरण विवाद एकसाथ जुधे तीन नेपाली चलचित्र पोखरामा जिफानले सिकायो अभिनय ‘चिरञ्जीवी भव’बाट जोडिए ‘काकु’ र ‘जिग्री’ शिव श्रेष्ठले फाउन्डेसन खोल्दै देखाए ‘जीवन रेखा’