काठमाडौं । विजयबहादुर मल्लको चर्चित नाटक ‘कोही किन बर्वाद होस’मा आधारित रहेर नीर शाहको निर्देशनमा चलचित्र ‘कमला मिस’ निर्माण गरिएको छ ।

आगामी २२ साउनमा रिलिज हुने यो चलचित्रको मंगलवार फस्ट लुक्स (पोस्टर) सार्वजनिक गरिएको छ । बाल मनोवैज्ञानिक कथामा ‘कमला मिस’मा निर शाह, रमेश बुढाथोकी, वासना तिमिल्सिना, शिवम सराफ क्षेत्री, आरभ दाहाल, भावना मगर, सुशान्त कुमार श्रेष्ठ, जयन्त रेग्मी, सुरेश थापा, राजन केसी र सञ्जय खतिवडाको अभिनय छ ।

विजय मल्ल स्मृति प्रतिष्ठानका लागि उमा मल्लले निर्माण गरेको यस चलचित्रका कार्यकारी निर्माता उमेश मल्ल र चैतन्य प्रधान हुन् । विजय मल्लको कथामा आधारित चलचित्रको पटकथा तथा संवाद निर शाह र प्रजल दुलालले संयुक्त रूपमा तयार पारेका हुन् ।

चलचित्रमा शिवराम श्रेष्ठको छायांकन, युग भुसालको संगीत तथा रामजी लामिछानेको कोरियोग्राफी रहेको छ । निर्माण व्यवस्थापन भोला सुवेदीले सम्हालेका छन् भने मुख्य सहायक निर्देशक सगर बोहरा रहेका छन् ।

सम्बन्धित समाचार

शिव श्रेष्ठले फाउन्डेसन खोल्दै देखाए ‘जीवन रेखा’ कान्स फेस्टिभलमा नेपाली चलचित्र ‘एलिफेन्ट्स इन द फग’ चलचित्रको काम छाडेर फेशन ¥याम्पतिर अभिनेत्रीहरू राजधानीमा ‘हिमालयन लिटरेचर फेस्टिभल’ हुँदै पर्दामा सफल अभिनेत्री सधैँ प्रेम र विवाहमा असफल प्राविधिकको पारिश्रमिक नबुझाउने निर्मातालाई कालोसूचीमा राखिँदै चलचित्र पत्रकारिता सम्मान एवम् पुरस्कार घोषणा कलाकार संघको अध्यक्षमा उत्तम केसी, यस्तो छ नयाँ नेतृत्व