मुम्बई । ६१ वर्षीय बलिउड अभिनेता आमिर खान तेस्रो पटक फेरी श्रीमान बनेका छन् । उनले मुम्बईको बान्द्रा स्थित आफ्नो निवासमा आइतबार मध्यान्न परिवार तथा आफन्तलाई साक्षी राखेर प्रेमीका गौरी स्प्राटसँग औपचारिक विवाह गरेका छन् । उनको यो तेस्रो विवाह हो ।

मुस्लिम संस्कार अनुसार परिवारका सदस्यहरू, आफन्त तथा साथीहरूको उपस्थितिमा यो जोडीले एकले अर्कालाई पति पत्नीको रूपमा कबुल गरेसँगै विवाह सम्पन्न भएको छ । यसपछि उनीहरूले कानुनी रूपमा विवाह दर्ता समेत गरेका छन् । आमिर र गौरी बिच विवाह हुने चर्चा निकै समयदेखि चलेको थियो । तर यस पटक यी जोडीले आइतबार विवाह गर्दै विवाहको पहिलो तस्बिर पनि सार्वजनिक गरेका छन् ।

तस्बिर अनुसार आमिर र गौरी भुइँमा बसेर आफ्नो दर्ता विवाह गरिरहेको देखिन्छ । यो विवाहमा आमिरकी तेस्रो श्रीमती गौरीका छोरा पनि उनीहरूबिच उपस्थित छन्। आमिरको देब्रेपट्टि उनका छोरा आजाद देखिएका छन् । उनकी आमा जीनत आजादको पछाडि बसिरहेकी छिन्। परिवारका अन्य सदस्यहरू पनि तस्बिरमा देखिएका छन् ।

‘मिस्टर परफेक्शनिस्ट’ उपनामले परिचित आमिरको विवाहमा आमिरकी छोरी आयरा खान, छोरा जुनैद खान, उनका साथीहरू इरफान पठान, मुकेश अम्बानी, महाराष्ट्र नवनिर्माण सेनाका संस्थापक राज ठाकरे र परिवारका सदस्यहरू उपस्थित थिए । विवाहमा लगभग १५० जनाको उपस्थिति रहेको परिवार सदस्यहरूले जनाएका छन् । पाहुनाहरू आउँदा आमिरको घरमा पानी परिरहेको थियो । पाहुनालाई छाता ओढाएर घरमा आफन्तले स्वागत गरे ।

आमिरको यस अघि दुई विवाहको सम्बन्ध विच्छेद भइसकेको छ । उनले पहिलो विवाह सन् १९८६ मा अभिनेत्री रीना दत्तासँग गरेका थिए । जुनैद खान र आइरा खान दुई सन्तान रीना तर्फका हुन् । विवाहको १६ वर्षपछि आमिर र रीनाको दाम्पत्य सम्बन्ध अन्त्य भएको थियो । त्यसपछि केही समय प्रेम सम्बन्धमा रहेर आमिरले चलचित्रकर्मी किरण रावसँग सन् २००५ मा विवाह गरे । किरण र आमिरका एक छोरा आजाद छन् । आमिर र रिनाको विवाह पनि करिब १६ वर्षपछि २०२१ मा टुट्यो ।

यसरी दुई पत्नीसँग सम्बन्ध विच्छेद गरेपछि आमिर पछिल्लो समय गौरीसँग प्रेम सम्बन्धमा जोडिएका थिए । आमिर र गौरीबिच २५ वर्ष पुरानो चिनजान हो । यही चिनजान र प्रेमलाई यी जोडीले यति बेला दाम्पत्य सम्बन्धमा परिणत गरेका छन् । आमिर तीन सन्तानका पिता हुन भने गौरीको पनि यस अघिको पतिका तर्फबाट एक सन्तान रहेका छन् ।

सम्बन्धित समाचार

आफ्नै चलचित्रको टिकट किनेर दर्शक खोज्न बाध्य निर्माता बलिउड कलाकार जसले अन्तर धार्मिक विवाह रोजे ‘आचार्य’ लिएर ११ वर्षपछि निखिल नेपालमा पनि बन्न थाल्यो पुरानो चलचित्रको ‘रिमेक’ जाँच समितिले किन हटायो धुमपान र मद्यपानका सचेतना ? चलचित्र नै नखिची यो कस्तो रिलिज प्रतिस्पर्धा मौलिक गीत बिगार्ने ९५ वटा युट्युब च्यानल विरुद्ध उजुरी सन्नी देओल फेरी भारत पाकिस्तान विभाजनको चलचित्रमा