धनगढी । कैलालीको त्रिनगर भन्सार नाकामा सशस्त्र प्रहरी र भन्सार कार्यालयले निगरानी तथा जाँचमा कडाइ गरेपछि भारतीय बजार बनगाउँ जाने नेपालीको संख्या उल्लेख्य रूपमा घटेको छ । ५०० रुपैयाँभन्दा बढी मूल्यका सामान ल्याउँदा भन्सार महसुल तिर्नुपर्ने व्यवस्था कडाइका साथ लागू गरिएपछि सीमावर्ती नाकामा जाँच थप कडा बनाइएको हो ।

दैनिक सयौंको संख्यामा घरायसी उपभोगका सामान खरिद गर्न बनगाउँ जाने नेपालीलाई अहिले ५०० रुपैयाँभन्दा बढी मूल्यका सामान नल्याउन सशस्त्र प्रहरीले सचेत गराउँदै आएको छ । सोभन्दा बढी मूल्यका सामान ल्याएमा भन्सार कर तिर्नुपर्ने भएकाले धेरै सर्वसाधारण सीमामै रोकिएका वा सामान नल्याई फर्किन बाध्य भएका छन् ।

धनगढीसहित कैलालीका विभिन्न स्थानका बासिन्दा दैनिक उपभोगका सामग्री खरिदका लागि भारतीय बजार जाने गरेका छन् । करिब तीन महिनाअघि नेपाली बजारलाई संरक्षण गर्ने उद्देश्यले १०० रुपैयाँभन्दा बढी मूल्यका सामानमा पनि भन्सार महसुल लाग्ने व्यवस्था गरिएको थियो । तर त्यसप्रति व्यापक जनगुनासो आएपछि केही सातामै उक्त निर्णय परिमार्जन गर्दै ५०० रुपैयाँसम्मका सामान करबिना ल्याउन दिने व्यवस्था लागू गरिएको थियो ।

तर, नयाँ व्यवस्था लागू भएको विषयमा धेरै सर्वसाधारण अनभिज्ञ रहेकाले सीमामा पुगेर मात्रै नियम’bout जानकारी पाउने र फर्किनुपर्ने अवस्था देखिएको छ ।

हाल त्रिनगर नाकामा ल्याइने सामानको कडाइका साथ जाँच भइरहेको छ । सुरक्षा निकायका अनुसार यसले अवैध रूपमा सामान भित्र्याउने गतिविधि घटेको छ भने नेपाली बजारमा समेत सकारात्मक प्रभाव देखिन थालेको छ ।

स्थानीय सर्वसाधारणले भने सरकारले या त सीमा नाकाबाट हुने खुद्रा सामान आयात पूर्ण रूपमा रोक्नुपर्ने, अन्यथा उपभोगका लागि निश्चित सीमाभन्दा बढी मूल्यका सामान ल्याउन सहज व्यवस्था गर्नुपर्ने माग गरेका छन् ।

कडाइ सुरु भएपछि बनगाउँ जाने नेपालीको संख्या पनि ह्वात्तै घटेको छ । पहिले दैनिक सयौं नेपाली पुग्ने उक्त बजारमा अहिले फाट्टफुट्ट मात्र नेपाली ग्राहक देखिन थालेका छन् ।

सम्बन्धित समाचार

भागेश्वरको बगरकोट अगाडिसम्म सडक कालोपत्रे सुदूरपश्चिममा दोस्रो पटक बजेट ‘होलिडे’, खर्च गर्ने कानुनी आधार सकियो मृत्युको पासो बन्दै बझाङका ग्रामीण सडक अपराजित स्पेन र फ्रान्स आमने-सामने, कसको यात्रामा ब्रेक ? एक वर्षदेखि रोकिएको स्टुडियो निर्माण अब अघि बढ्ने ‘विपद् रोक्न सकिँदैन, तर घटाउन सकिन्छ’ फ्रान्स र स्पेनमध्ये को पुग्ला विश्वकप फाइनलमा ? साधना घरमा प्रस्तुत ‘फस्ट ड्राफ्ट’मा फरक नाट्य स्वाद