काठमाडौँ । नेपाली काँग्रेसका सभापति गगनकुमार थापाले सुनसरीको देवानगञ्ज गाउँपालिका-३, कप्तानगञ्जमा भएको घटनाप्रति दुःख व्यक्त गर्दै राज्य संयन्त्रको भूमिका’bout प्रश्न उठाएका छन् ।

थापाले सोमबार जारी गरेको विज्ञप्तिमार्फत घटनामा ज्यान गुमाएका नागरिकप्रति श्रद्धाञ्जली व्यक्त गर्दै शोकसन्तप्त परिवारजनप्रति समवेदना प्रकट गरेका छन् । उनले घटनामा घाइते भएका नागरिक तथा सुरक्षाकर्मीको शीघ्र स्वास्थ्य लाभको कामना समेत गरेका छन् ।

उनले सामाजिक सद्भावमा असर पार्न सक्ने संवेदनशील अवस्थामा राज्य संयन्त्र थप जिम्मेवार, संयमित र सतर्क हुनुपर्ने धारणा व्यक्त गरेका छन् । नागरिकको मृत्यु हुने गरी सुरक्षाकर्मीले गोली चलाउनुपर्ने परिस्थिति कसरी सिर्जना भयो भन्ने विषयमा उनले सरकारसँग जवाफ माग गरेका छन् ।

थापाले समयमै जोखिमको पहिचान, समन्वय र आवश्यक सुरक्षा सतर्कता अपनाउन सके घटना नियन्त्रण गर्न सकिने अवस्था हुँदाहुँदै मानवीय क्षति हुने अवस्था आउनु दुःखद भएको उल्लेख गरेका छन् ।

उनले घटनाको सत्यतथ्य पत्ता लगाउन तत्काल निष्पक्ष, स्वतन्त्र र विश्वसनीय छानबिन गर्न सरकारको ध्यानाकर्षण गराएका छन् । साथै घाइतेहरूको प्रभावकारी उपचार तथा मृतकका परिवारलाई आवश्यक सहयोग उपलब्ध गराउन ढिलाइ नगर्न आग्रह गरेका छन् ।

घटनापछि प्रभावित क्षेत्रमा शान्ति सुरक्षा कायम गर्दै जनविश्वास पुनःस्थापना गर्ने गरी संवेदनशीलताका साथ अवस्था व्यवस्थापन गर्नुपर्ने थापाको भनाइ छ ।

उनले स्थानीय बासिन्दा, सामुदायिक संस्था, नागरिक समाज तथा राजनीतिक दललगायत सबै पक्षलाई संयमता अपनाउन, अपवाह र उत्तेजनाबाट टाढा रहन तथा सामाजिक सद्भाव कायम राख्न योगदान गर्न आग्रह गरेका छन् ।

सम्बन्धित समाचार

‘विपद् रोक्न सकिँदैन, तर घटाउन सकिन्छ’ सरकारीबाहेकका मिडियामा सरकारी विज्ञापन रोक्ने सरकारको निर्णय खारेज निजी क्षेत्रलाई सरकारले उच्च प्राथमिकता दिएको छः प्रधानमन्त्री स्वदेशमा उत्पादित जुत्ता चप्पलको निर्यातमा सहजीकरण गर्छाैँ : प्रधानमन्त्री मन्त्रालय घटेसँगै दरबन्दी व्यवस्थापनमा जोड कर्णालीमा नेकपाले एमाले नेतृत्वको सरकार नमान्ने, अविश्वास प्रस्तावको पक्षमा मतदान गर्ने अस्तित्वका लागि मिल्दै वामपन्थी ‘जाक्दिन्छु समाएर अनि थाहा हुन्छ’: सांसद केपी खनाल