उदयपुर । मदन भण्डारी लोकमार्गमा भएको सवारी दुर्घटनामा दुई जनाको ज्यान गएको छ भने ३ जना घाइते भएका छन् ।
उदयपुरको बेलका नगरपालिका– ५, जहडामा स्कुल बसले अटोलाई ठक्कर दिँदा अटोमा सवार पाँच जना घाइते भएका थिए । जसमध्ये दुई जनाको उपचारको क्रममा ज्यान गएको जिल्ला प्रहरी कार्यालय उदयपुरका प्रवक्ता प्रहरी नायव उपरीक्षक गणेशबहादुर बमले जानकारी दिए ।
जिल्ला प्रहरी कार्यालय उदयपुरका सूचना अधिकारी डीएसपी बमका अनुसार सोमबार बिहान करिब ९ः४५ बजे सुपाडेबाट लालबजारतर्फ आउँदै गरेको को.प्र. ०५–००१ ह ०६१३ नम्बरको अटो र विपरीत दिशाबाट जाँदै गरेको को.१ ख ३५१६ नम्बरको सफल आदर्श इंग्लिस बोर्डिङ स्कुलको बस एक–आपसमा ठोक्किएका थिए ।
दुर्घटनामा अटोमा सवार पाँचै जना घाइते भएका थिए । उनीहरूलाई तत्काल उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएको थियो ।
उपचारका क्रममा बेलका नगरपालिका–५ की ३४ वर्षीया मन्दिरा मगर र नाम, थर, उमेर तथा ठेगाना नखुलेकी अर्की एक महिलाको बिहान करिब ११ः४५ बजे उपचारको क्रममा ज्यान गएको डीएसपी बमले जानकारी दिए ।
दुर्घटनामा अटो चालक बेलका नगरपालिका–५ का २८ वर्षीय इन्द्र थापा गम्भीर घाइते भएका छन् । बेलका नगरपालिका–५ का १८ वर्षीय रोशन मगर गम्भीर घाइते छन् ।
त्यसैगरी मोरङको विराटनगर महानगरपालिका–१२ का १९ वर्षीय अजित गुरुङ घाइते भएका छन् । उनको अवस्था मध्यम रहेको छ भने तीन जनाको बीपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ ।
दुर्घटनापछि इलाका प्रहरी कार्यालय रामपुरठोक्सिलाबाट प्रहरी टोली घटनास्थलमा पुगेर उद्धार गरिएको जनाएको छ । प्रहरीले दुर्घटनामा संलग्न बस र चालक बेलका नगरपालिका– ५ का ३६ वर्षीय विक्रम थापालाई नियन्त्रणमा लिएको छ । घटना’bout थप अनुसन्धान भई रहेको इलाका प्रहरी कार्यालय रामपुरठोक्सिलाले जानकारी दिएको छ ।
सम्बन्धित समाचार
झापामा एक वर्षमा ५१ किलोमिटर सडक कालोपत्र
विराटनगर जुट मिल पुनः सञ्चालनका लागि अध्ययन कार्यदल गठन
सुदूरपश्चिमका मुख्यमन्त्री शाहले आज विश्वासको मत लिँदै
रोल्पामा पहिरोले घर पुरिँदा तीन जना बेपत्ता
कोशीमा विद्यालय शिक्षक-कर्मचारीका पेशागत समस्या र नीतिगत समाधान’bout नीति संवाद
विद्यालयका सवारीसाधनमा गति नियन्त्रण उपकरण जडान गरिने
कैलालीको लालीगुराँस सामुदायिक वनभित्र बन्दुक पड्कियो, एक जनाको मृत्यु
प्रधानमन्त्रीको भिडियो खिचेको भन्दै सेनाले गर्यो डिलिट
