खोटाङ । वर्षौंदेखि जीर्ण कटेरो र अरुको आश्रयमा जीवन बिताइरहेका हलेसी तुवाचुङ नगरपालिकाका तीन विपन्न परिवारलाई आफ्नै सुरक्षित घरको निर्माण गरी हस्तान्तरण गरिएकोे छ । नगरपालिकाले “सुरक्षित नागरिक आवास कार्यक्रम” अन्तर्गत प्रति परिवार पाँच लाखको लगानीमा दुई कोठे भूकम्प प्रतिरोधी एकतले घर निर्माण गरी हस्तान्तरण गरेको हो ।

हलेसी तुवाचुङ नगरपालिकाका वडानम्बर(२ डिकुवाका वृद्ध दम्पत्ति देशवीर राई, वडानम्बर(६ मङ्गलटारका मानसिक अपाङ्गता भएका दाजुबहिनी चामे दमाई र भया दमाई, तथा वडानम्बर(१० अर्खौलेका घरविहीन टेकबहादुर सार्की परिवारलाई घर निर्माण गरि हस्तान्तरण गरिएको नगर प्रमुख विमला राईले बताईन् । नगर प्रमुख राईका अनुसार “सुरक्षित नागरिक आवास कार्यक्रम” नगरपालिकाभित्र सबै नागरिकको सुरक्षित आवास सुनिश्चित गर्ने दीर्घकालीन योजना रहेको बताईन् ।

काठमाडौं वा तराईका विभिन्न जिल्लामा अस्थायी बसोवास गर्दै आएका र घरटहरा हटाइएपछि विस्थापित भएका नगरवासीलाई पनि आ–आफ्नै नगरपालिका फर्किए घर निर्माण गर्न सहयोग गरिने नगर प्रमुख राईको भनार्ई छ । यसका लागि सम्बन्धित परिवारको नाममा जग्गा भने अनिवार्य हुनु पर्नेछ ।

सम्बन्धित समाचार

झापामा एक वर्षमा ५१ किलोमिटर सडक कालोपत्र स्थानीय तहले जग्गा वर्गीकरण नगर्दा उदयपुरमा कित्ताकाट ठप्प झापा कन्काइका १३ परिवार बने जग्गाधनी इलामबाट ओलीको कटाक्ष : जनताको अपेक्षा पूरा गर्न नसक्ने सरकारको औचित्य के ? सूर्योदयको एक अर्ब १८ करोड बजेट सार्वजनिक इनरुवाको ग्रीनसिटीमा १२ हजार बिरुवा रोप्ने अभियान सुरु पाँच वर्षमा कोशी प्रदेशमा चट्याङबाट ६६ जनाको मृत्यु, २१८ घाइते मोटरसाइकलको ठक्करबाट साइकल चालकको ज्यान गयो