काठमाडौं । भोटेकोशी बाढीमा अहिलेसम्म १ हजार ११४ जनाको मृत्यु भएको पुष्टि भएको छ ।

गृह मन्त्रालयअन्तर्गतको राष्ट्रिय विपद् जोखिम न्यूनीकरण तथा व्यवस्थापन प्राधिकरणको आज बिहान ९ बजेसम्मको अपडेटअनुसार सो संख्यामा मानिसको मृत्यु भएको पुष्टि भएको हो ।

प्राधिकरणका अनुसार सबैभन्दा धेरै चितवनमा ३४८ जनाको शव फेला परेको छ । यसैगरी, नवलपरासी पूर्वमा २१७, नवलपरासी पश्चिममा १९०, नुवाकोटमा १५५, तनहुँमा ३८, धादिङमा ५९, गोरखामा ६६ र रसुवामा ४१ जनाको शव फेला परेको छ । फेला परेका शवहरूमध्ये हालसम्म ९५ जनाको मात्र सनाखत भई आफन्तलाई बुझाइएको छ ।

प्राधिकरणका अनुसार, अझै पनि ३ हजार ९१६ जना सम्पर्कविहीन छन् ।

हालसम्म ११ हजार ९ सय ९३ जनाको सफल उद्धार गरिएको छ । नेपाली सेनाको हवाई उडानमार्फत मात्र ४०९१ नेपाली र २७३ विदेशी नागरिकको उद्धार गरिएको छ ।

सम्बन्धित समाचार

भोटेकोशीमा बाढी आउँदा प्रहरी र सशस्त्रका २८ जना सम्पर्कविहीन भेटिएनन् आफन्त, रोकिएनन् आँशु १८ वर्षमा २० विपत्ति सम्भव छ जलवायु न्याय र क्षतिपूर्तिको कानुनी लडाइँ