सुर्खेत । कर्णाली राजमार्ग पुनः अवरुद्ध भएको छ । सो राजमार्गको सुर्खेत–जुम्ला सडकखण्डअन्तर्गत दुल्लु नगरपालिका–१ दैलेखको भम्लु खोलास्थित गएराति माथिबाट सुक्खा पहिरो आएर सडक अवरुद्ध भएको हो ।

सडक डिभिजन कार्यालय जुम्लाका प्रमुख श्रवणकुमार महताराका अनुसार राजमार्गअन्तर्गत कालीकोट खाँडाचक्र नगरपालिकाको पिली, शुभकालिका गाउँपालिकाको गगने खोला र एस मोडमा खसेको पहिराले २० भदौदेखि बन्द सडक मंगलबार दिउँसो २ः४५ बजेदेखि सञ्चालन भएको थियो ।

यता दैलेखमा गए राति ९ः१० बजे गएको सुक्खा पहिरोले सडक पुनः अवरुद्ध भएपछि करिब चार दर्जनभन्दा बढी गाडी अलपत्र परेको जिल्ला प्रहरी कार्यालय दैलेखले जनाएको छ ।

दैलेख प्रहरीका अनुसार आज बिहान ६ बजेदेखि प्रहरी चौकी तल्लो डुङ्गेश्वरबाट प्रहरी टोली भम्लु खोलामा खटिगएको र बाटो जतिसक्दो छिटो खोलेर आवागमन सञ्चालन गर्न सडक डिभिजन कार्यालय सुर्खेतसँग आवश्यक समन्वयमा पहिरो पन्छाउने काम सुरु भएको छ ।

सडक अवरोधका कारण हुम्ला, मुगु, जुम्ला, कालीकोटबाट सुर्खेत, नेपालगन्ज, काठमाडौं गन्तव्य लिएर हिडेका स्याउ व्यापारी तथा यात्रुहरूलाई निकै सास्ती भएको जनाइएको छ ।

सम्बन्धित समाचार

रसुवागढी भन्सारका १४ कर्मचारी सम्पर्कविहीन प्रधानमन्त्री शाह बाढी प्रभावित क्षेत्र विदुर प्रस्थान नुवाकोटको बेत्रावतीस्थित एउटै घरबाट २४ वटा शव फेला यी हुन् धादिङमा सवारी सञ्चालनका लागि कायम गरिएका चार अस्थायी रुट बाढी प्रभावित क्षेत्रमा सम्भावित संक्रामक रोग फैलिन नदिन विशेष निगरानी रुपन्देहीका तत्कालीन प्रमुख मालपोत अधिकृतसहित पाँच जनाविरुद्ध मुद्दा दायर भोटेकोशी बाढी : जीवित भेटिने आशा टरेपछि कुशको शव बनाएर आर्यघाटमा सामूहिक अन्त्येष्टि भोटेकोशी बाढी अपडेट : १ हजार ३४४ जनाको शव फेला, ४ हजार ८९८ जना अझै बेपत्ता