काठमाडौं । नेपाल बचत तथा ऋण सहकारी संघ (नेफ्स्कुन)का अध्यक्ष चन्द्रप्रसाद ढकाल एशियाली ऋण महासंघ (अकू) को को द्वितीय उपाध्यक्षमा निर्वाचित भएका छन् । मलेसियाको राजधानी क्वालालाम्पुरमा आइतबार सम्पन्न ४५औँ साधारण सभाले सन् २०२६ देखि २०२८ सम्मका लागि निर्वाचित गरेको संचालक समितिमा ढकाल द्वितीय उपाध्यक्ष निर्वाचित भएका हुन् ।

साधारण सभाले दक्षिण कोरियाका यङ–चुल कोचलाई अकूको अध्यक्षमा निर्वाचित गरेको छ । त्यस्तै, थाइल्यान्डका दानुक्रित कटाम्पाकोम प्रथम उपाध्यक्ष र नेपालका ढकाल द्वितीय उपाध्यक्षमा निर्वाचित भएका हुन् ।

नयाँ कार्यसमितिको सचिवमा फिलिपिन्सका रे डी. लाबासानो र कोषाध्यक्षमा ताइवानका लियो चुन फोङ निर्वाचित भएका छन् ।

त्यसैगरी, इन्डोनेसियाका डा. वारे साबोर डोमिनिकस प्रथम वैकल्पिक सञ्चालक र श्रीलंकाका एल. बी. देसनायके द्वितीय वैकल्पिक सञ्चालकमा निर्वाचित भएका छन् ।

अकूको सञ्चालक समितिमा निर्वाचित कुनै सञ्चालकको पद विभिन्न कारणले रिक्त भएमा पहिलो प्राथमिकतामा रहेका वैकल्पिक सञ्चालक स्वतः सञ्चालक बन्ने प्रचलन रहेको छ।

सम्बन्धित समाचार

युएई सरकारद्वारा बाढी प्रभावितका लागि १० मिलियन अमेरिकी डलर सहयोग भोटेकोशी बाढीपीडितका लागि हिमालयन बुलियन कम्पनीको १ करोड १ लाख रूपैयाँ शिवम् सिमेन्टद्वारा ११ हजार बोरा सिमेन्ट र शिवम् होल्डिङ्सद्वारा २१ लाख सहयोग ऊर्जामा धक्का, बीमा दाबी अकल्पनीय ग्यास संकट टार्न प्राथमिकतामा घरायसी उपभोक्ता सुन तोलामा सात हजार ६०० रूपैयाँले बढ्यो, चाँदी १४५ रुपैयाँ बाढीपीडितलाइ आर्थिक सहयोग जुटाउने क्रम जारी तीन दिनमा आयो ८७ हजार सिलिन्डर, तर कसले लान्छ ग्यास ?