काठमाडौं । भोटेकोशी र त्रिशूलीमा आएको बाढीका कारण पहिरोले अवरुद्ध कृष्णभीरमा आइतबार सडक ट्रयाक खुलेको छ । खुलेलगत्तै २१ वटा ठूला सवारी साधन काठमाडौंबाट बाहिरिएको सडक विभागले जनाएको छ ।

सडक विभागले आइतबार साँझ प्रेस विज्ञप्ति मार्फत भनेको छ, ‘निर्माणाधीन ट्रयाकको अवस्था तथा सवारी आवागमनको सम्भाव्यता परीक्षण गर्न काठमाडौँबाट चितवनतर्फ एउटा ग्यास बुलेट सहित करिब २० वटा र चितवनबाट काठमाडौँतर्फ एउटा भारीसहित केही हलुका सवारी साधन सफलतापूर्वक सञ्चालन गरिएको छ ।’

हाल बाँकी रहेको सडक स्तरोन्नति तथा सुरक्षाका कार्यहरू जारी रहेकाले सडक खुला नगरिएको बताउँदै सडक विभागले यो सडक आगामी १ असोजदेखि पूर्ण रूपमा सञ्चालनमा ल्याउने लक्ष्य रहेको जनाएको छ ।

कृष्णभीर खण्डबाट सवारी साधनको आवागमन पूर्ण रूपमा बन्द रहने भन्दै यस अवधिमा सम्बन्धित निकायबाट जारी गरिएका सूचना तथा वैकल्पिक मार्गसम्बन्धी निर्देशन पालना गर्न पनि सडक विभागले सबैसँग अनुरोध गरेको छ ।

सम्बन्धित समाचार

बाढी पीडितको उद्धार र राहतका लागि निःशुल्क बससेवा कांकडभिट्टामा गोप्रो क्यामेरा जडान ७ वर्षदेखि अल्झिएको राँके–गैँडे सडक : हिउँदमा धुलो, बर्खामा हिलो भम्लु खोलामा सुख्खा पहिराले कर्णाली राजमार्ग पुनः अवरुद्ध समस्यामा मात्रै सम्झिने कान्ति लोकपथ कृष्णभीरमा अवरुद्ध सडक खुलाउने प्रयास जारी भोटेकोशी बाढीः त्रिशूली–३ आयोजनाको सुरुङको प्रवेशद्वार खोज्दै विशेषज्ञ टोली सुरुङभित्र फसेका मानिसको उद्धारमा खटिएको टीम सुरङभित्र प्रवेश