वीरगन्ज । मुलुकका करिब ३१ हजार ५ सय सहकारीहरुका भिडमा सक्रिय पर्साको वीरगंज बचत तथा ऋण सहकारी संस्था (बिस्को) लि.ले बिषम परिस्थितिका बीच पनि आफ्नो २८ औं साधारण सभा गरेको छ । संस्थालाई अब्बल सावित गर्न संस्थाले यो बिषम घडीमा पनि ६० लाख ६५ हजार ७ सय ९५ रुपैया खुद मुनाफा गरेको पाइएको हो ।

२०५६ सालमा वीरगन्जको तेजारथटोलबाट सेवा प्रारम्भ गरेको बिस्कोले निक्षेप संकलन र समग्र कारोबार गर्दै २०८२–२०८३ मा उक्त खुद मुनाफा गर्न सकेको प्रस्तुत साधारण सभाको बार्षिक प्रतिवेदनबाट खुलेको छ । राज्यको नीति अनुसार विगतमा झैं कुनै तामझाम विना शेयर र साधारण सदस्यहरुलाई संस्थाको वर्तमान अवस्था अवगत गराउन गरिएको बार्षिक साधारण सभामा संस्थाको तर्फबाट संचालक समिति सचिव सविता श्रेष्ठले बार्षिक प्रतिवेदन प्रस्तुत गरेकी थिइन् । प्रतिवेदनमा संस्थाले गएको वर्ष कुल २० करोड ३६ लाख १३ हजार ९ सय ८९ रुपैया निक्षेप संकलन गरी १४ करोड ९१ लाख २४ हजार ८ सय ७० रुपैया कर्जा लगानी गरेको जनाइएको छ ।

संस्थाको सुदृढिकरण र निक्षेप सुरक्षाको कवज मानिने जगेडा कोषमा पनि बिस्कोले १ करोड ६७ लाख रकम जम्मा गरिसकेको प्रतिवेदनले देखाएको छ । त्यसैगरी शेयरपूँजी तर्फ पनि २ करोड १२ लाख ३३ हजार पु¥याएको प्रतिवेदनमा उल्लेख गरिएको छ । यो संस्था आर्थिक नगरी वीरगन्जमा मात्र नभई समग्र पर्सा जिल्लामा नै स्थापित संस्थाहरु मध्ये दोस्रो जेठो संस्था पनि रहेको वीरगन्ज महानगरपालिकामा दर्ज भएको तथ्याँकले पुष्टि गरेको छ । हाल संस्थाको वीरगन्जस्थित मुख्य बजार लिंक रोडमा चारतले आफ्नौ भवनबाट सेवा प्रवाह पनि भइरहेको छ ।

मुलुक नै हाक्छौं भनी अहिले तम्सेको दलका प्रमुख व्यक्ति लगायतले आर्थिक नगरी वीरगन्जको मुटुमा आदर्शनगरमा स्थापना गरेको सानो पाइलाको अहिले यहाँ नाम निशाना केही छैन । बरु पर्सा जिल्ला अदालतमा ५५ करोड बढीको दावी पुगिसकेको खुलेको छ । तर स्थानीय संचालक र स्पष्ट कारोवारको नीति अबलम्बन गर्ने संस्थाहरु भने अहिले वीरगन्ज महानगरमा अझै पनि २ सय १८ सहकारी संस्थाहरु सकृय रहेको वीरगन्ज महानगरपालिकाले जनाएको छ ।

ती संस्थाहरु मध्ये विस्को यहाँका अरु सहकारी संस्थाहरुको अग्रज संस्था भई समयमा साधारण सभा गर्ने राज्यका निमनकारी निकायहरुमा समयमा कागजपत्र उपलब्ध गराउने र राज्यको नीति अक्षरस पालना गर्ने संस्थाका रुपमा दरिएको महानगरको सहकारी शाखाका कर्मचारी सुजन श्रीवास्तवले पनि बताए ।

बिस्कोको शनिबार भएको साधारण सभा संस्थाका संचालक समितिका अध्यक्ष डिल्ली बिक्रम कार्कीको अध्यक्षतामा सम्पन्न भएको छ । सो क्रममा सामाजिक उत्तरदायित्व अन्तर्गत सांगितक क्षेत्रमा अब्बल गणेश परियार, शिक्षा क्षेत्रमा अब्बल संचालक समितिका पदाधिकारी तथा सदस्यका दुई सन्तान र निक्षेप तर्फ पनि सकृय सेवाग्राहीहरुलाई नगद सहित सम्मान गरिएको छ ।

सम्बन्धित समाचार

जसले पाए करदाता प्रोत्साहन कार्यक्रमको बम्पर उपहार एनटी फाइबरको प्याकेजमा ग्राहकको आकर्षण, अनलाइनबाटै सेवा लिन सकिने राष्ट्र बैंकको वेबसाइट बन्द, सामाजिक सञ्जालबाट सूचना प्रवाह गरिने गोलबजारका तत्कालीन मेयर साहसहित ७ जनाविरुद्ध भ्रष्टाचार मुद्दा एनआईएमबी र प्रभु बैंकका सिइओलाई गभर्नरकै ‘संरक्षण’ बकैया नदीमा ‘जियोब्याग’ तटबन्धले दर्जनौँ गाउँ डुबानबाट सुरक्षित सुन तोलामै ३ हजार २०० रुपैयाँले घट्यो, चाँदी पनि घट्यो कोप–३१ मा सबै दलको सहभागिता गराउने सरकारको तयारी