सुर्खेत । कालिकोटबाट कलाकारिता क्षेत्रमा जमेका तिलागुफा नगरपालिका-३ निवासी ३७ वर्षीय खगेन्द्र न्यौपाने काठमाडौंबाट पक्राउ परेका छन् ।

कालिकोटकै एक युवतीले दिएको जाहेरीका आधारमा उनलाई काठमाडौं प्रहरी र कालिकोट प्रहरीको संयुक्त टोलीले आइतबार नियन्त्रणमा लिएको जिल्ला प्रहरी कार्यालय कालिकोटका सूचना अधिकारी बरमा यादवले जानकारी दिए ।

‘विहीबार ती युवतीले साइबर क्राइमअन्तर्गत जाहेरी दिनुभएको थियो,’ उनले भने, ‘उक्त जाहेरीअनुसार न्यौपानेलाई काठमाडौंको डेराबाटै नियन्त्रणमा लिएका हौँ । उनलाई कालिकोट ल्याउने तयारी भइरहेको छ ।’

यादवका अनुसार सामाजिक सञ्जालमा न्यौपानेले ती युवतीको अश्लिल भिडिओ सार्वजनिक गरेको युवतीले जाहेरीमा दाबी गरेकी छिन् । उनलाई काठमाडौंबाट कालिकोट ल्याइसकेपछि म्याद थप गर्ने र त्यसपछि अनुसन्धान गर्ने उनको भनाइ छ ।

सम्बन्धित समाचार

‘मिस वेलनेस वल्र्ड २०२६’ का विजेता सान्वीलाई गृहनगरमा स्वागत विद्या बालन र सैफ अली खान १९ वर्षपछि पुनः सँगै आउँदै नेपाली वेब सिरिज ‘तथास्तु’ सार्वजनिक सांस्कृतिक तथा राष्ट्रिय महत्त्वका चलचित्र निर्माणका लागि साढे तीन करोड अनुदान, आवेदन दिन २१ दिनको समय शाहरुख खानले सार्वजनिक गरे ‘किङ’ को नयाँ पोस्टर ‘मायालाई के दिऊँ म बैना’ले पार गर्‍यो ५ करोड भ्युज ‘गौँथली’ लाई ‘वेस्ट फरेन सिनेमा’ को अवार्ड डेनमार्क र नेपालको सांगीतिक सहकार्यमा आकाश सिग्देलले ल्याए ‘मायालुले’