काठमाडौँ । प्रधानमन्त्री बालेन्द्र साहको भारत भ्रमणलाई लक्षित गर्दै भारतीय राजधानी नयाँदिल्लीमा भव्य स्वागतको तयारी गरिएको छ ।
प्रधानमन्त्री साहको राजकीय भ्रमणको पूर्वसन्ध्यामा दिल्लीका विभिन्न स्थानमा नेपाल र भारतका राष्ट्रिय झण्डा राखेर स्वागतको वातावरण तयार पारिएको हो । प्रधानमन्त्री साह आइतवार दुईदिने राजकीय भ्रमणका लागि भारत जान लागेका छन् । उनको स्वागतका लागि दिल्लीका सडक तथा विभिन्न स्थानमा दुवै देशका झण्डा पोलमा राखिएका छन् ।
नेपाल र भारतका झण्डाले सजिएका सडकले प्रधानमन्त्री साहको भ्रमणलाई विशेष महत्वका साथ हेरिएको संकेत गरेको छ । दुईदिने भ्रमणका क्रममा प्रधानमन्त्री साहले भारतीय प्रधानमन्त्री नरेन्द्र मोदी र राष्ट्रपति द्रौपदी मुर्मूसँग भेटवार्ता गर्ने कार्यक्रम रहेको छ । उच्चस्तरीय भेटघाट तथा द्विपक्षीय छलफलपछि उनी सोमवार स्वदेश फर्किने कार्यक्रम छ ।
प्रधानमन्त्री साहको यो भ्रमणलाई नेपाल-भारत सम्बन्धका दृष्टिले महत्वपूर्ण रूपमा हेरिएको छ । राजकीय भ्रमणका क्रममा हुने भेटवार्ताले दुई देशबीचको आपसी सम्बन्ध, सहकार्य र आगामी समझदारीका विषयमा छलफल गर्ने अवसर प्रदान गर्ने अपेक्षा गरिएको छ ।
सम्बन्धित समाचार
कुन नेतामाथि कतिबेला के हुने हो टुंगो छैनः प्रचण्ड
रास्वपामा आफूखुसी उम्मेदवारी घोषणाको लहर, सदस्यता नै खारेज गर्ने चेतावनी
पूर्वउपप्रधानमन्त्री टोपबहादुर रायमाझी कारागारबाट रिहा
‘मधेसमा परिवर्तन महसुस गराउन नसके अर्को चुनावमा भोट माग्न आउँदिनँ’
जसपा नेपाल त्यागेका नगर उपप्रमुखसहित १८ जनप्रनिधिको पद रिक्त, निर्वाचन आयोगले निकाल्यो सूचना
मौसमी छिचिमिरासँग कोही पनि डराउनु हुँदैन : ओली
प्रधानमन्त्रीको भारत भ्रमण : आर्थिक एजेन्डाको भारी, राष्ट्रिय हितको परीक्षा
प्रधानमन्त्रीको भारत भ्रमणमा राष्ट्रिय हितलाई प्राथमिकता दिन काँग्रेसको आग्रह





