काठमाडौं । काठमाडौँको नक्साल स्थित नेपाल ललितकला प्रज्ञा–प्रतिष्ठान (नाफा)को ग्यालरी यति बेला हिमाली चित्रमय भएको छ । शुक्रवारबाट त्यहाँ सुरु भएको ‘टेसिङ दि हिमालय’ शीर्षकको कला प्रदर्शनीमा हिमाली ल्यान्ड स्केपसँगै त्यहाँका जनजीवनका चित्रहरू प्रस्तुत छन् ।

प्रदर्शनीमा हिमाली क्षेत्रलाई प्रतिनिधित्व गर्ने कलाकारहरू छिरिङ फोन्जो गुरुङ, तेन्जिङ आङ्डाक गुरुङ, धोर्जे गुरुङ लामा, र पेम्बा शेर्पाको सहितको जम्मा ६४ कलाकृति रहेका छन् । यो प्रदर्शनी ९ मंसिरसम्म जारी रहने छ ।

चोसर आर्टस् मुस्ताङको आयोजनामा थालिएको यो प्रदर्शनीको शुक्रवार नेपाल ललितकला प्रज्ञा प्रतिष्ठानका कुलपति नारदमणि हार्तम्छालीले उद्घाटन गरे । कार्यक्रममा उनले भने, ‘नेपालीपनको कला खोज्ने हो भने यस्तै लोक परम्परामा भएका र हाम्रै नेपाली जन्मभूमिबाट उठेका सिद्धान्त र दर्शनका आधारमा सिर्जना भएका कलाकृतिलाई बाहिर ल्याउनु पर्छ । हिमवत्खण्डका इथ्नोकग्निटिभ ज्ञानअनुरूप सिर्जित कला सिर्जना तथा आफ्नो जन्मभूमिको नितान्त दर्शनका आधारमा बनेको कला हिमाली संस्कृति ओझेलमा परेका बेला यो प्रदर्शनी नमुना कार्यक्रम बनेको छ ।’

काठमाडौँमा भइरहेका प्रदर्शनीमा हिमाली भेगको कला कम देखिएको र सबैको नजर नपुगेको देखिएपछि आफूहरूले यो प्रदर्शन गरेको छोसेर आट्र्स मुस्ताङका निर्देशक छिरिङ फोन्जो गुरुङले बताए । मौलिक कलाको प्रवर्धनको लागि यो प्रदर्शनी गरिएको प्रतिष्ठानका परम्परागत चित्रकला विभाग प्रमुख पाल्साङ्मो लामाको कथन छ ।

क्युरेटर मिना लामाका अनुसार प्रदर्शनीमा राखिएको चित्रमा नितान्त हिमाली भेगको जनजीवनको आध्यात्मिक अभ्यास तथा संघर्ष चित्रित गरिएको छ ।

सम्बन्धित समाचार

पोखरा रंगशालामा गुञ्जिए अमृत ८४ जना चलचित्रकर्मीले गरे रक्तदान छायांकनमा आठ घण्टा मात्र काम गर्ने दीपिकाको अडान निर्देशक विक्रम भट्टविरुद्ध ३० लाख ठगीको मुद्दा चलचित्र निर्माता संघमा नयाँ कार्यसमिति चयन सहायक निर्देशकबाट अभिनयमा उत्रेका यी स्टार अभिनेता राष्ट्रिय सभामा चलचित्र विधेयकमाथि बहस सुरु दोस्रो पटक आमा बन्दै अभिनेत्री सोनम कपूर