काठमाडौं । अभिनेता राजेश हमाल र अभिनेत्री करिश्मा मानन्धरले नयाँ गीत ‘नाँच्छु रोधी घरैमा…’को भिडियोमा मोडलिङ गरेका छन् । ओएसआर डिजिटलबाट रिलिज गरिएको यो गीतमा प्रतीक्षा गुरुङको स्वर, एकनारायण भण्डारीको रचना र दीपक शर्माको संगीत रहेको छ । गीतको भिडियोमा राजेश र करिश्माको अभिनयले उनीहरूको पुराना चलचित्रको याद दर्शकलाई दिलाउँछ ।

यो भिडियोलाई देवेन्द्र पाण्डेले निर्देशन गरेका हुन् । देवेन्द्रले राजेश हमाललाई लिएरै दर्जन माथी भिडियो निर्देशन गरिसकेका छन् । कुनैसमय राजेश हमालको पछाडी बसेर कोरसमा नाँचेका देवेन्द्रले अहिले म्युजिक भिडियोहरु निर्देशन गर्ने गर्छन् ।

उत्सव दाहालले खिचेको भिडियो बिकाश दाहालले सम्पादन गरेका हुन् । निर्देशक पाण्डेका अनुसार यो भिडियो गएको निर्वाचन भन्दा अगाडी खिचिएको थियो र अहिले सार्वजनिक गरिएको हो । यस्तै ३ बर्षअघि पनि राजेश र करिश्मालाई नै अभिनय गराएर देवेन्द्रले नै एक म्युजिक भिडियो बनाएका थिए । भिडियोमा खिम बहादुर थापा निर्माता रहेका छन् ।

सम्बन्धित समाचार

कलाकार सागर लम्साल हाजिरी जमानीमा रिहा विन्ध्यवासिनीद्वारा शम्भुजीतलाई १ लाखसहित लाइफ टाइम एचिभमेन्ट अवार्ड धादिङकी चाँदनी श्रेष्ठ बनिन् आठौं ब्युटिसियन ट्यालेन्ट विष्णु विवेकको पुस्तक ‘घाटगाउँ’ अमेरिकामा पनि विमोचन ‘पहिलो हाँसो’ को नयाँ संस्करण सार्वजनिक दर्शकको रोजाइमा ‘सधैं साथमा तिम्रो’ चलचित्र ‘डिगर’प्रति उत्साहित छन् अभिनेता टम क्रुज मधेसका चलचित्र प्रवर्धन गर्न चन्द्र नगरमा महोत्सव