इलाम । तेस्रो इलाम गोल्ड कप अन्तरगत दोस्रो क्वाटर फाइनल खेल रोलिङ क्लब धुलाबारी झापाले सानदार जित निकाल्दै सेमिफाइनल पुगेको छ । रोलिङले फिदिम स्पोर्टिङ क्लब पाँचथरलाई ३–० गोल अन्तरले पराजित गर्दै सेमिफाइनलमा स्थान सुरक्षित गरेको हो ।

खेलको सुरुदेखि नै आक्रामक खेल प्रस्तुत गरेको धुलाबारीले पहिलो हाफमै आफ्नो पक्षमा पारेको थियो । खेलको ९ औं मिनेटमा प्रताप राईको प्रहार फितलो बन्यो । लगत्तै निकेश श्रेष्ठको उत्कृष्ट क्रसमा निरोज कार्कीले फिनिसिङ दिन नसक्दा सुरुआती अवसर खेर गयो । लगातार आक्रामक बनेको धुलाबारीका लागि १३ औं मिनेटमा राजेश श्रेष्ठको क्रसमा प्रतापले सुनौलो मौका गुमाए ।

२३औं मिनेटमा भने प्रतापसिंह राईले गोल गर्दै टोलीलाई अग्रता दिलाए । त्यसको लगत्तै निरोज कार्कीले फिदिमका गोलरक्षक अभिषेक बराललाई बिट गर्दै सानदार गोल गरेपछि मध्यान्तरअघि धुलाबारी २–० ले अघि बढ्यो । ३८औं मिनेटमा निरोज कार्कीले अर्को अवसर पाए पनि गोल गर्न सकेनन् ।

मध्यान्तरपछि आफ्नो लय कायम राख्दै पहिलो मिनेटमै अरुण मेचेले गोल गर्दै अग्रता ३–० पु¥याए । त्यसपछि धुलाबारीले रक्षात्मक रणनीति अपनाउँदै खेल नियन्त्रणमा राख्यो । ६१औं मिनेटमा निरोज कार्कीको प्रहार फिदिमका गोलरक्षकले उत्कृष्ट बचाउ गरे । धुलाबारीका लागि निरोज कार्की र प्रताप राईले केही अवसर सिर्जना गरे पनि गोल थप्न सकेनन् ।

यता फिदिम स्पोर्टिङले केही अवसर सिर्जना गरे पनि गोलमा परिणत गर्न सकेन । खेलको ७ औं मिनेटमा हेमन तुम्बाम्फोको पासमा धिरेन्द्र शाहको प्रहार फितलो बन्यो । १४औं मिनेटमा हेमनकै उत्कृष्ट क्रसमा आयुस राईले शक्तिशाली प्रहार गरे पनि गोलरक्षक योगेश धमलाले शानदार बचाउ गर्दै जोगाए । ३४औं मिनेटमा हेमन तुम्बाम्फो गोल गर्न चुके भने ३९औं मिनेटमा पनि उनको अर्को प्रयास गोलरक्षक धमलाले सहजै नियन्त्रणमा लिए ।

मध्यान्तरअघि अतिरिक्त समयमा फिदिमले उत्कृष्ट अवसर पाए पनि त्यसलाई गोलमा परिणत गर्न सकेन । ५०औं मिनेटमा दिनेश शर्माले डिबक्स बाहिरबाट गरेको प्रहार गोलरक्षक योगेश धिमालको हातमा पुग्यो । ६६औं मिनेटमा हेमनको प्रहार किपरबाट रिबाउन्ड हुँदा सुजन मगरले त्यसलाई नियन्त्रण गर्न नसक्दा अर्को अवसर गुम्यो ।

७६औं मिनेटमा वान–भर्सेस–वान अवस्थामा सुशील लावतीलाई फाउल गरेपछि पाएको पेनाल्टी हेमन तुम्बाफोले सदुपयोग गर्न नसक्दा खेलमा फर्कने सपना समाप्त बन्यो । ८०औं मिनेटमा सविन घिमिरेको प्रहार बारमा ठोक्किएर फर्कियो भने ८९औं मिनेटमा हेमन तुम्बाम्फोको शक्तिशाली प्रहार गोलरक्षकले उत्कृष्ट रूपमा बचाउ गरे ।

रुलिङ क्लब धुलाबारी झापाका प्रतापसिंह राई ‘म्यान अफ द म्याच’ घोषित भए । सोमबार ए डिभिजन मछिन्द्र फुटबल क्लब र एन पेनाङ मलेसियाबिच हुने आयोजकले जनाएको छ ।

१२ गते सम्म सञ्चालन हुने प्रतियोगितामा चित्लाङ फुटबल क्लब काठमाडौँ, पथरी–११ मोरङ, रुलिङ क्लब धुलाबारी झापा, फिदिम स्पोर्टिङ पाँचथर, न्यूरोड टिम काठमाडौँ, मछिन्द्र फुटबल क्लब, एन पेनाङ मलेसिया र आयोजक रेड हर्ष फुटबल क्लब गरी आठ टोलीको सहभागिता रहेको छ ।

विजेताले १० लाख रुपैयाँसहित उपाधि जित्नेछ भने उपविजेताले ५ लाख रुपैयाँ प्राप्त गर्नेछन् । साथै विभिन्न विधाका उत्कृष्ट खेलाडीलाई नगदसहित पुरस्कृत गरिने आयोजकले जनाएको छ ।

सम्बन्धित समाचार

फाप्ला क्रिकेट मैदान निर्माण हुन्छ : मन्त्री पोखरेल ‘पोखरा ओपन एथलेटिक्स मिट’ शनिबारदेखि अन्तर्राष्ट्रिय चेसका निहाना श्रेष्ठलाई रजत पदक यु–१६ क्रिकेटः बैतडीमा निःशुल्क प्रशिक्षण अन्तरपालिका पुरुष भलिवल प्रतियोगिताको उपाधि पाँचखपनले जित्यो पाँचखपनले जित्यो अन्तरपालिका पुरुष भलिबल उपाधि पुनरागमन जितले क्वाटरमा पथरी-११ इटालीविरुद्धको खेलमा नेपालले टस जितेर ब्याटिङ गर्दै