काठमाडौं । ज्ञानेन्द्र देउजाको निर्देशनमा निर्माण भएको चलचित्र ‘झिँगेदाउ २’को प्रदर्शन मिति परिवर्तन भएको छ । मंगलबार चार मुख्य कलाकार समेटिएको पोस्टर सार्वजनिक गर्दै चलचित्रलाई आगामी ३ असोज संविधान दिवसको अवसर पारेर देशव्यापी प्रदर्शनमा ल्याइने जानकारी दिइएको छ ।

यसअघि दशैंको फूलपातीमा रिलिज गर्ने घोषणा गरिएको थियो । सो मितिमा चलचित्रबीच प्रतिस्पर्धा बढ्ने देखिएपछि निर्माण टिमले सुरक्षित विकल्पका रूपमा नयाँ मिति तय गरेको निर्देशक देउजाले बताएका छन् ।

कपनगढी सिनेमा प्राली र फिल्म क्रिउ नेपालको संयुक्त ब्यानरमा बनेको यस चलचित्रमा सरोज खनाल, आर्यन सिग्देल, महेश त्रिपाठी, केकी अधिकारी, आँचल शर्मा, कुशल बिष्ट, बसुन्धरा भुषाल, चैत्यदेवी सिंह, हिँउवाला गौतम, विजय देउजा, आशा भुषाल, अभय राज बराल र आशिष पुरुषलगायत कलाकारहरूको अभिनय रहेको छ।

काभ्रे, काठमाडौं, भक्तपुर, साँखु, तनहुँ, बन्दीपुर, देवघाट, दोलखा, चित्लाङ, पालुङ र चितवन लगायतका विभिन्न स्थानमा यसको छायांकन गरिएको हो । हाल यस चलचित्रको डबिङ कार्य भइरहेको छ । विष्णु घिमिरे ‘कल्पित’ले खिचेको यस चलचित्रका निर्माता सुलभ प्रतिक देउजा र समीक्षा देउजा हुन्।

निर्देशक देउजाकै कथामा आधारित यस चलचित्रको पटकथा परिच्छेद सेन, गोविन्द फुयाल र शिशिर चालिसेले तयार पारेका हुन्। जसमा रोशन श्रेष्ठको द्वन्द्व निर्देशन, रामजी लामिछानेको कोरियोग्राफी, अर्जुन पोखरेलको संगीत तथा मित्र डी गुरुङको सम्पादन रहेको छ ।

सम्बन्धित समाचार

राष्ट्रिय कौराहा सम्मेलन सुरु ‘मायाले जाल हान्यो’ गीत वैशाख ७ मा सार्वजनिक हुने ‘कलाकार सदस्यता’ नवीकरण विवाद झनै चर्कियो एक मुठी बादलमा नारी स्वतन्त्रताको आवाज पलेँटीमा गुन्जिए पवन र रमेश क्याफे व्यवसायमा नेपाली अभिनेत्री कर्णालीका चलचित्रकर्मीले सिके छायांकन र लेखन सञ्जय दत्तले महिला आयोगसँग मागे माफी