काठमाडौं । वैदेशिक रोजगारमा जाने नेपाली कामदारको नयाँ श्रम स्वीकृति लिनेको संख्या घटेको छ भने पुनः श्रम स्वीकृति लिनेको संख्या वृद्धि भएको छ।

अर्थमन्त्री डा. स्वर्णिम वाग्लेले बुधबार प्रतिनिधिसभाको बैठकमा प्रस्तुत गरेको आर्थिक सर्वेक्षण २०८२/८३ को तथ्यांकअनुसार वैदेशिक रोजगारमा जान नयाँ श्रम स्वीकृति लिने नेपाली कामदारको संख्या १३.७ प्रतिशतले संकुचन भई दुई लाख ७३ हजार ५३० रहेको देखाएको हो।

त्यसैगरी यस आर्थिक अवधिमा वैदेशिक रोजगारमा जान पुनःश्रम स्वीकृति लिने नेपाली कामदारको संख्या १५.९ प्रतिशतले वृद्धि भई दुई लाख ५१ हजार ९८३ पुगेको छ।

यस अवधिमा नयाँ र पुनः श्रम स्वीकृति लिने कामदारको संख्या पाँच लाख २५ हजार ५१३ पुगेको छ। यसमध्ये, महिला १२.१ प्रतिशत र पुरुष ८७.९ प्रतिशत रहेका छन्। गत आर्थिक वर्षको सोही अवधिमा नयाँ र पुनःश्रम स्वीकृति लिने कामदारको संख्या पाँच लाख ३४ हजार ४७१ रहेको थियो।

सर्वेक्षणले आर्थिक वर्ष २०८१/८२ मा वैदेशिक रोजगारमा जान नयाँ श्रम स्वीकृति लिने नेपाली कामदारको संख्या १०.० प्रतिशतले बढेर पाँच लाख पाँच हजार ९५७ र पुनः श्रम स्वीकृति लिने नेपाली कामदारको संख्या १८ं५ प्रतिशले बढेर तीन लाख ३३ हजार ३०९ पुगेको थियो।

सम्बन्धित समाचार

अनशनरत रुबी खानले २३औँ दिनमा तोडिन् अनशन म्यानमार सरकारको ‘महासद्धम्म जोतिकधज’ धार्मिक उपाधिबाट डा लामा सम्मानित क्यानाडाको ह्युरोन तालमा नेपाली युवा सम्पर्कविहीन, खोजी जारी रास्वपाले महामन्त्री शाहको संयोजकत्वमा बनायो एकता समायोजन समिति शिव श्रेष्ठले फाउन्डेसन खोल्दै देखाए ‘जीवन रेखा’ सुकुम्बासीले लालपुर्जा नपाउन्जेल मासिक १५ हजार भाडा दिने सरकारको तयारी सहिद दशरथ चन्द स्वास्थ्य विश्वविद्यालयमा उपकुलपति छनोट प्रक्रिया अघि बढ्यो सेनाद्वारा रक्षा संवाददाता अभिमुखीकरण सम्पन्न