दैलेख । दैलेखमा जिप दुर्घटना हुँदा चालकसहित ३ जनाको मृत्यु भएको छ । जिल्लाको भैरवी गाउँपालिका–५ स्थित कालगौँडा क्षेत्रमा सोमबार बिहान डबल क्याप जिप दुर्घटना हुँदा चालकसहित तीन जनाको मृत्यु भएको छ भने पाँच जना घाइते भएका छन् ।

सुर्खेतबाट कालिकोटतर्फ जाँदै गरेको सु.प. ०१–००१ च ४९६४ नम्बरको जिप बिहान करिब १२ः५५ बजे सडकबाट करिब ४०० मिटर तल भिरमा खसेर दुर्घटनाग्रस्त भएको जिल्ला प्रहरी कार्यालय दैलेखले जनाएको छ ।

दुर्घटनामा चालक कलबहादुर रोकाया, मित्र सुनार र पुल्तिसरा विकको घटनास्थलमै मृत्यु भएको जिल्ला प्रहरी कार्यालय दैलेखका सूचना अधिकारी इन्स्पेक्टर लक्ष्मण पतभैयाले जानकारी दिए ।

जिपमा चालकसहित आठ जना सवार रहेका थिए । दुर्घटनामा घाइते भएका पाँच जनालाई नेपाल प्रहरी, स्थानीय सरकारका प्रतिनिधि तथा स्थानीयवासीको सहयोगमा उद्धार गरी उपचारका लागि जिल्ला अस्पताल दैलेख पठाइएको छ । घाइतेहरूको अवस्था र परिचय सम्बन्धी विस्तृत विवरण आउन बाँकी रहेको प्रहरीले जनाएको छ ।

प्रहरीका अनुसार जिप तीव्र गतिमा रहेका कारण ब्रेक फेल भई दुर्घटना भएको हुन सक्ने प्रारम्भिक अनुमान गरिएको छ । घटना’bout थप अनुसन्धान भइरहेको जिल्ला प्रहरी कार्यालय दैलेखले जनाएको छ।

सम्बन्धित समाचार

बाजुरा र हुम्लाको सीमाको अध्ययन गर्न समिति गठन त्रिदेशीय महत्वको ‘महाबु सडक’ निर्माणमा जोड प्रस्तावित प्रधानन्यायाधीश शर्माको संसदीय सुनुवाइ सुरु प्रधानन्यायाधीश शर्माको शपथ साँझ ६: १० मा हुने प्रसाईलाई पक्राउ गर्नुको कारण २४ घण्टाभित्र पेस गर्न सर्वोच्चको आदेश विश्वविद्यालयको उपकुलपतिका लागि प्राप्त आवेदनमाथि छानबिन सुरु रास्वपाले टुंग्यायो महाधिवेशन तयारी कार्यतालिका विद्यालयमै महिनावारी आराम कक्ष