मुम्बई । अघिल्ला चलचित्रहरू ‘गदर’ र ‘गदर २’ भारत पाकिस्तान छुटेपछि दुई देशका नागरिकको आवत जावत बन्दले प्रेममा निम्त्याएको समस्यामा आधारित थियो । यी दुई सुपर हिट चलचित्र दिएको सन्नी देओलले यति बेला फेरी यस्तै भारत पाकिस्तान छुटेपछिको समस्यामा आधारित चलचित्र ‘बटवारा १९४७’मा अभिनय गरेका छन् ।

यो चलचित्रको यति बेला टिजरसमेत सार्वजनिक गरिएको छ । टिजरले अहिले प्रशंसासमेत पाएको छ । मूल रूपमा ‘लाहोर १९४७’ नाम समेत रहेको यो चलचित्र आगामी १४ अगस्टमा विश्वव्यापी चलचित्र घरहरूमा रिलिज हुँदै छ । चलचित्रको रिलिज नजिकिँदै गर्दा यसको टिजर सार्वजनिक गरिएको हो । सन्नीका भाइ तथा अभिनेता बबी देओलले समेत अहिले यो टिजरको खुलेर प्रशंसा गरेका छन् । बबीले टिजरलाई सामाजिक सञ्जालमा शेयर समेत गरेका छन् ।

यो चलचित्र असगर वजाहतको प्रसिद्ध नाटक ‘जिस लाहोर नै वेख्या, ओ जम्या ऐ नै’ मा आधारित रहेको छ । टिजर अनुसार सन्नी देओलको यो चलचित्रले १९४७ को भारत–पाकिस्तान विभाजनको दर्दनाक कथालाई प्रस्तुत गरेको छ ।

यो चलचित्रमो संगीत ए.आर. रहमानले दिएका छन् । जसमा गीतहरू जावेद अख्तरले लेखेका छन् । टिजर अनुसार सनी देओलले ‘बटवारा १९४७’ मा सिकन्दर मिर्जाको भूमिका निर्वाह गरेका छन्। यो चलचित्रमा प्रीति जिन्टा, शबाना आजमी, अली फजल, अभिमन्यु सिंह र करण देओलको पनि मुख्य भूमिका रहेको छ ।

‘बटवारा १९४७’ को टिजर हेरेपछि बबी देओलले इन्स्टाग्राममा आफ्नो खुसी व्यक्त गर्दै टिजर सेयर गरेका छन् र त्यसमा यस्तो देखेका छन्, ‘तिमी नै सर्वश्रेष्ठ हौ, दाजु । म यो चलचित्रलाई लिएर धेरै उत्साहित छु र यसको उत्सुकतापूर्वक प्रतीक्षा गरिरहेको छु ।’

सम्बन्धित समाचार

क्रिटिक्स अवार्ड विजेतामा हरिवंशदेखि मीन भामसम्म ‘हली’ टिजरमा महिनावारी पीडा अक्षय भन्छन्,‘अब चलचित्रबाट दर्शक हँसाउन गाह्रो छ’ ७ दिवसीय छायांकन कार्यशाला गोष्ठी सम्पन्न देशभर प्रदर्शन हुँदै ‘भागदौड’ १३औँ म्यूजिक खबर म्युजिक अवार्ड : शम्भूजीतलाई दीर्घ साधना सम्मान, ३३ विधामा अवार्ड प्रदान अधिकारीको ‘डोपामिन’मा मानवीय संवेदना ‘यो कथा होइन’ मा १०० वर्ष अघिको कथा