काठमाडौं । पत्रकार तथा साहित्यकार लक्ष्मण अधिकारीले नयाँ कथा संग्रह ‘डोपामिन : खुसी र प्रेरणा’ पाठकमाझ ल्याएका छन् । कामना न्युज पब्लिकेसन्स् परिसरमा आयोजित एक समारोहमा यो पुस्तक विमोचन गरिएको हो ।

पुस्तकमा १८ वटा कथा छन् । यस संग्रहले शारीरिक तथा मानसिक स्वास्थ्य, मानवीय संवेदना, सामाजिक विभेद, प्रेम, न्याय, स्वास्थ्य सेवा र जीवन संघर्षलाई मनोवैज्ञानिक दृष्टिकोणबाट प्रस्तुत गरेको छ। बाहिरबाट सामान्य देखिने तर भित्र गहिरो संघर्ष बोकेर बाँचिरहेका मानिसहरूको कथा यस पुस्तकको मूल विषय हो ।

कार्यक्रममा पुस्तकका प्रकाशक संस्था कामना न्युज पब्लिकेसन्स् अध्यक्ष दिरेकलाल श्रेष्ठले डोपामिन नेपाली कथा साहित्यमा महत्त्वपूर्ण उपलब्धिका रूपमा स्थापित हुने विश्वास गरे । पुस्तकका लेखक लक्ष्मण अधिकारीले कामना पब्लिकेसन्स्को स्वास्थ्य मासिक साधना’को सम्पादकका रूपमा दुई दशकभन्दा बढी समयसम्म काम गर्दाको अनुभव सुनाउँदै दिरेकलालले यो पुस्तकलाई समाजभित्र लुकेका अनेक भावनाहरूको ऐनाको रूपमा चर्चा गरे ।

यो कथा संग्रह केवल कोरा कल्पनामा मात्र सीमित नरही यथार्थको धरातलमा उभिएको अग्रज पत्रकार तथा कथाकार श्रीराम सिंह बस्नेतले बताए । समारोहमा पुस्तकको समीक्षा गर्दै समालोचक प्रा डा दयाराम श्रेष्ठले डोपामिन’लाई नेपाली कथा साहित्यमा मनोविज्ञान र आख्यानको सशक्त संयोजन भएको कृतिका रूपमा चित्रण गरे ।

नेपाल प्रेस इन्स्टिच्युटका अध्यक्ष कपिल काफ्लेले स्वास्थ्य विधाको पत्रकारितामा जीवन अर्पित गरेका लेखक अधिकारीको ‘डोपामिन’ले पीडाभित्र लुकेको आशा, प्रेरणा र मानव मस्तिष्कका अदृश्य रासायनिक प्रक्रियालाई कथामार्फत बुझाउने प्रयास गरेको छ भने ।

आफ्ना कथा’bout प्रकाश पार्दै लेखक अधिकारीले यो शरीरको रोगभन्दा गहिरा मानसिक घाउ बोकेका पात्रहरूको कथा भएको जानकारी गराए । संग्रहका कथाहरू रेफर नहुँदा’, पश्चात्तापको आगो’, एक आरोपको मूल्य’, चँगेरीको माया’, उसको ठाउँमा बसेर’, सपना साँचेको जून’ र न सुसाइड न हनिमुन’लगायतका कथाले अस्पतालका शैय्यादेखि समाजका गल्लीसम्म फैलिएको पीडा, अन्याय, प्रेम, करुणा रहेका छन् ।

सम्बन्धित समाचार

आफ्नै चलचित्रको टिकट किनेर दर्शक खोज्न बाध्य निर्माता तमिल चलचित्रमा अझै मुख्यमन्त्री थलापति विजय नै महंगा अभिनेता बलिउड कलाकार जसले अन्तर धार्मिक विवाह रोजे ‘आचार्य’ लिएर ११ वर्षपछि निखिल नेपालमा पनि बन्न थाल्यो पुरानो चलचित्रको ‘रिमेक’ ‘धुरन्धर’को डिजिटल रिलिज अदालतबाट खुल्ला ‘पार्वती’को रत्यौली गीतमा दीपाश्रीको छेडखानी जाँच समितिले किन हटायो धुमपान र मद्यपानका सचेतना ?