सप्तरी । बालबालिकाको क्षमता तथा व्यक्तित्व विकास, अभिवृद्धि र प्रतिभामार्फत छुट्टै पहिचान स्थापितका लागि सप्तरीमा लिटिल स्टार्स शो २०२६ को आयोजना हुने भएको छ ।
मिस्ट्री डान्स गाइज विराटनगरको आयोजना तथा सप्तरी कालाकार संघ नेपालको समन्वयमा उक्त शो सञ्चालन हुन लागेको हो ।
सप्तरी सदरमुकाम राजविराजमा आगामी भाद्र ६ गते देखि यसको अडिसन कार्यक्रम सुरु गर्न लागिएको आयोजक संस्थाले शनिबार पत्रकार सम्मेलनको आयोजन गरी जानकारी दिएको हो ।
शो को ग्राण्ड फिनाले भने असोज १० गते राजविराज स्थित शिवशंकर चलचित्र मन्दिर भवनमा आयोजना हुने आयोजक संस्थाका अध्यक्ष संजीव सहनी (ज्याक)ले जानकारी दिए ।
मोडलिङ्गमा रुचि भएका, विभिन्न काराणले क्षमता देखाउने अवसर नपाएका तथा उनीहरुको क्षमता, व्यक्तित्व विकास अभिवृद्धि र प्रतिभा मार्फत देश तथा अन्तराष्ट्रियस्तरमा छुट्टै पहिचान स्थापित गराउने उद्देश्यले उक्त शो को आयोजना गर्न लागिएको उनको भनाई छ ।
सप्तरीमा पहिलो पटक आयोजना हुन लागेको उक्त शो मा ६ देखि ९ तथा १० देखि १४ बर्ष उमेर समूहका गरी दुई समूहमा प्रतिस्पर्धा हुने आयोजक संस्थाका कार्यक्रम निर्देशक रौनक अग्रबालले जानकारी दिए ।
शो मा सहभागीहरुलाई तीन चरणमा २८ दिनको तालिम पनि दिईनेछ । उनीहरुलाई कोरियोग्राफर, फोटोग्राफर, डान्सर तथा विभिन्न बिषयका विज्ञ प्रशिक्षकबाट तालिम प्रदान गरी ग्राण्ड फिनाले का लागि छनौट गरिने कार्यक्रम निर्देशक अग्रवालको भनाई छ ।
शो मा सहभागी हुनेले दर्ता वापत पाँचसय र तालिम बापत ५ हजार रुपैयाँ शुल्क तिर्नुपर्ने निर्देशक अग्रवालले बताए । उनले उक्त शो जित्न भन्दा पनि सिकाउनका लागि र प्रतिभा खोज्नका लागि आयोजना गर्न लागिएको बताएका छन् ।
ग्राण्ड फिनाले अन्तर्गत वाक कला, हाजिरी जवाफ, प्रश्नोत्तर, हाउभाउ, व्यक्तित्व, कला, नृत्य र प्रस्तुती लगायतका मुल्यांकन विधि प्रयोग गरिने तथा निर्णयक मंडलीबाट विजेयताको छनौट गर्ने आयोजक संस्थाका सदस्य साहिल खानले जानकारी दिए ।
उक्त शो राजविराजपछि क्रमशः जनकपुर, पोखरा, धनकुट्टा, चितवन, काठमाडौं र विराटनगरमा हुने तथा त्यसपछि छनौट भएकाहरुबीच नेपाल लिटिल स्टार्स शो को आयोजना गरिने छ । उक्त शो मा छनौट भएकाले अन्तारिष्ट्रय लिटिल स्टार्स शो मा नेपालको प्रतिनिधित्व गर्ने अवसर प्राप्त गर्ने आयोजक संस्थाले जनाएको छ ।
पत्रकार सम्मेलनमा सप्तरी कालाकार संघ नेपालका अध्यक्ष करण शर्मा, सचिव विवेकानन्द यादव, सदस्य सरोज राम लगायतका सहभागिता रहेका थिए ।
सम्बन्धित समाचार
सन्नी देओल फेरी भारत पाकिस्तान विभाजनको चलचित्रमा
दयाहाङ र मिरुनाले सुरु गरे ‘रातो घेरा–द रेड सर्कल’
तेस्रो दाम्पत्य सम्बन्धमा बाँधिए अभिनेता आमिर
आमिरको विवाह’bout सलमानको व्यंग्य भिडियो भाइरल
यम बराल गम्भीर बिरामी, उपचार गर्न दिल्ली लगिने
हलिउड लोकप्रिय गायिका बोनी टायलरको निधन
तेस्रो ‘अन्तरराष्ट्रिय नेपाली फिल्म अवार्ड’ नेपालमा हुने
एउटा ‘अग्र्यानिक’ चरित्रमा रेखाको अनुभव
