काठमाडौँ। मानव तस्करीको जोखिममा परेका ४ सय नेपाली नागरिकलाई एक वर्षको अवधिमा कम्बोडियाबाट उद्धार गरिएको छ।

भृकुटीमण्डपस्थित नेपाल पुलिस क्लबमा मंगलबार आयोजित मानव बेचबिखनविरुद्धको कार्यक्रममा मानव बेचबिखन अनुसन्धान ब्युरोका एसएसपी नकुल पोखरेलले आर्थिक वर्ष २०८२-८३ मा ठूलो संख्यामा नेपाली नागरिकको उद्धार गरिएको जानकारी दिएका हुन्।

उनका अनुसार उक्त अवधिमा कम्बोडियाबाट उद्धार गरिएकामध्ये ३८२ जना पुरुष र १८ जना महिला रहेका छन्।

ब्युरोको तथ्यांकअनुसार अघिल्लो आर्थिक वर्ष २०८१-८२ मा कम्बोडियाबाट १४ जना नेपालीको उद्धार गरिएको थियो। सो अवधिमा १२ पुरुष र दुई महिलालाई उद्धार गरिएको थियो।

त्यस्तै, आर्थिक वर्ष २०८०-८१ मा दुई जना, २०७९-८० मा एक जना र २०७८-७९ मा पाँच जना नेपाली नागरिकलाई कम्बोडियाबाट उद्धार गरिएको तथ्यांक रहेको छ।

प्रहरीका अनुसार रोजगारी तथा आकर्षक अवसरको प्रलोभन देखाएर मानव तस्करहरूले नेपाली नागरिकलाई कम्बोडिया पुर्‍याउने गरेका छन्। त्यहाँ पुगेपछि कतिपयलाई साइबरसम्बन्धी अवैध गतिविधिमा जबर्जस्ती संलग्न गराउने गरिएको अनुसन्धानबाट देखिएको ब्युरोले जनाएको छ।

मानव बेचबिखनका बदलिँदा स्वरूप र प्रविधिको दुरुपयोगसँगै विदेशमा रोजगारीको नाममा हुने ठगी तथा शोषण नियन्त्रण चुनौतीपूर्ण बन्दै गएको सुरक्षा निकायको भनाइ छ।

सम्बन्धित समाचार

अन्ततः बग्दादकै माटोमा विलिन भइन् सञ्चमाई नक्कली भुटानी शरणार्थी प्रकरणः रायमाझी, पाण्डेलाई ४ वर्ष र खाँणलाई २ वर्ष कैद (कसलाई कति सजाय ?) कांग्रेस–एमाले खटपटः प्रदेशमा नयाँ गठबन्धनको जोडघटाउ दीपक भट्ट र सुलभ अग्रवाललाई धरौटीमा रिहा गर्न अदालतको आदेश आर्थिक वर्षान्तमा प्रदेश सरकारमा रमिता प्रेमिकालाई बोलाइदिन माग राखेर युवक टेलिकमको ८० मिटर अग्लो टावरमा हेटौँडाबाट जाने सबै मार्गमा यातायात सेवा सञ्चालन अल्पमतका मुख्यमन्त्री शाहका निर्णायक २७ दिन