काठमाडौं । उपचारको क्रममा सिंगापुरमा रहेका नेपाली कांग्रेसका पूर्वसभापति शेरबहादुर देउवा साउन २३ गते नेपाल फर्किने तयारीमा रहेको बुझिएको छ । देउवा पत्नी डा. आरजु पनि साथै फर्किने तयारी छ । नियमित सम्पर्कमा रहेका नेपाली जनसम्पर्क समिति यूकेका सभापति युवराज गुरुङका अनुसार कुनै तिलस्मी घटना भएन भने देउवा दम्पती साउन २३ गते नेपाल फर्किनु हुनेछ ।

सम्पति शुद्धीकरण विभागले उपस्थित हुन पत्र काटेका बेला त्यसको जवाफ फर्काउदै देउवाले साउन २८ भित्र नेपाल आउने जानकारी गराएका थिए । सुरक्षा र राजनीतिक परिस्थितिले गर्दा उनी एकसाता अघि नै नेपाल फर्किन लागेको बुझिएको छ ।

पूर्वसभापति देउवा २३ गते फर्किने सूचना पाएपछि कांग्रेसले २४ गते केन्द्रीय समितिको बैठक बोलाएको छ । साउन २९ देखि ३१ गतेसम्म कांग्रेस संस्थापनइतरले काठमाडौंमा राष्ट्रिय भेलाको आयोजना गरेको छ । उक्त भेलामा देउवा उपस्थित हुने शनिबार आयोजित पत्रकार सम्मेलनमा जानकारी दिइएको थियो ।

स्वास्थ्य उपचारका लागि देउवा दम्पती फागुन १३ गते राती सिंगापुर प्रस्थान गरेका थिए । उनी सिंगापुर जाँदा कांग्रेस विवाद उत्कर्षमा थियो । अहिले विभाजन उन्मुख छ ।

सम्बन्धित समाचार

देउवाको सन्देशः ‘लोकतन्त्रमाथि दबाब सिर्जना गर्ने प्रवृत्ति स्वीकार्य छैन’ सर्वोच्चका ३ न्यायाधीशलाई राजीनामा दिन दबाब, महाभियोगको धम्की ! सर्वोच्च अदालतका ४ न्यायाधीशविरुद्ध महाअभियोगको तयारी, ६८ सांसदको हस्ताक्षर, मस्यौदा तयार एमाले र नेकपाबीच तीनबुँदे सहमति कर्णाली प्रदेशका मुख्यमन्त्री कँडेलद्वारा राजीनामा एमाले–नेकपा समीकरणपछि कांग्रेसले गर्‍यो सातै प्रदेशका नेतासँग परामर्श प्रधानमन्त्री शाहलाई भारत भ्रमणको निम्तो गृहमन्त्री पदबाट सुधनलाई हटाउन जेन–जी समूहको माग