जनकपुर । धनुषासँग जोडिएका सीमा नाकाबाट नेपाल प्रवेश गर्न अब परिचयपत्र अनिवार्य गरिएको छ । आइतबार बसेको जिल्ला सुरक्षा समितिको बैठकले सबैका लागि यो व्यवस्था अनिवार्य गरेको हो ।

बैठकले सीमा नाकाबाट प्रवेश गर्ने सबै व्यक्तिको पहिचान खुल्ने परिचयपत्रका आधारमा सुरक्षा निकायले अभिलेख राख्दै प्रवेश गराउने निर्णय गरेको जनाइएको छ ।

उता, केही दिनदेखि धनुषामा जारी गरिएको निषेधाज्ञा पनि सोमबार बिहान ५ बजेदेखि हटाइने भएको छ । सरकार र आन्दोलनरत हिन्दुवादी संघ–संस्थाबीच सहमति भएसँगै आन्दोलनका कार्यक्रम फिर्ता लिने प्रतिबद्धता जनाइएकाले निषेधाज्ञा हटाउने निर्णय गरिएको जिल्ला प्रशासनले जनाएको छ ।

सुनसरीको कप्तानगञ्जमा भएको घटनापछि मधेश प्रदेशका विभिन्न जिल्लामा आन्दोलन चर्किँदा सुरक्षा अवस्था तनावपूर्ण बनेको थियो ।

सम्बन्धित समाचार

पानीधारा र चुमखोलामा पहिरो, आवागमन ठप्प चार प्रदेशमा भारी वर्षाको पूर्वानुमान बागमतीमा एमालेले लियो सरकारलाई दिएको समर्थन फिर्ता चार दशकपछि अव्यवस्थित बसोबासीको हातमा लालपुर्जा खैरो हेरोइनसहित चार जना पक्राउ भारतका शिक्षामन्त्री धर्मेन्द्र प्रधानले दिए पदबाट राजीनामा सुनसरीमा हटाइयो कर्फ्यू अवरुद्ध नारायणगढ–मुग्लिन सडक सञ्चालनमा