काठमाडौं । सत्तारूढ राष्ट्रिय स्वतन्त्र पार्टी (रास्वपा) ले आफ्ना सांसद तथा मन्त्रीका गतिविधिमाथि पार्टीको निगरानी र निर्देशन कडा बनाएको छ । संसद्मा सरकारकै मन्त्री र मन्त्रालयको कार्यशैलीमाथि सांसदहरूले प्रश्न उठाउन थालेपछि रास्वपाले पार्टीभित्रको असन्तुष्टि सदनबाट सार्वजनिक नगर्न सांसदहरूलाई निर्देशन दिएको हो ।

संसद्मा सरकारको आलोचना नगर्न सांसदलाई निर्देशन, मन्त्रीलाई पार्टीको डिजिटल निगरानी

बुधबार सिंहदरबारमा बसेको रास्वपा संसदीय दलको बैठकले सांसदहरूलाई सरकारका कामकारबाही’bout सार्वजनिक रूपमा धारणा राख्दा संयमित र मर्यादित हुन निर्देशन दिएको छ । पार्टीका निर्णय, निर्देशन र गतिविधि’bout जानकारी गराउनसमेत सांसदहरूलाई भनिएको छ ।

प्रधानमन्त्री वालेन्द्र शाहको बचाउमा भने पार्टी सभापति रवि लामिछाने आफैं उत्रिएका छन् । संसदीय दलको बैठकमा प्रधानमन्त्री शाह उपस्थित नभए पनि लामिछानेले उनका पछिल्ला गतिविधि र सामाजिक सञ्जालमा व्यक्त धारणाको बचाउ गरेका हुन् ।

प्रधानमन्त्री शाहले सामाजिक सञ्जालमा ‘कहिलेकाहीँ एक्लै लड्नुपर्छ’ भन्दै लेखेको स्टाटस विवादमा परेपछि लामिछानेले त्यसलाई राजनीतिक अभिव्यक्तिका रूपमा नबुझ्न आग्रह गरे । शाह सर्जक तथा कवि पनि भएकाले उनको साहित्यिक अभिव्यक्तिलाई राजनीतिक अर्थमा व्याख्या गर्न नहुने उनको भनाइ थियो ।

दुईतिहाइ बहुमतको सरकारको नेतृत्व गरिरहेका प्रधानमन्त्रीले ‘एक्लै लड्नुपर्छ’ भनेको विषयमा सामाजिक सञ्जालमा आलोचना भइरहेका बेला लामिछानेले प्रधानमन्त्री एक्लो नभएको दाबी गरे । ‘म यहीँ सँगै उभिएको छु, सिङ्गो पार्टी यहीँ सँगै छ । उहाँ कहाँ एक्लो हुनुहुन्छ ?’ बैठकपछि सञ्चारकर्मीसँग लामिछानेले भने ।

प्रधानमन्त्री शाहको सामाजिक सञ्जालमा व्यक्त धारणाको बचाउ गरेका लामिछानेले पार्टीका अन्य सांसदलाई भने सरकारका कमजोरी सदनमा उठाउँदा पार्टीको धारणा र निर्देशनलाई ध्यान दिन आग्रह गरेका छन् ।

मन्त्रीलाई ‘आरएसपी पल्स’ अनिवार्य
रास्वपाले मन्त्रीहरूको कामकारबाहीको विवरण पार्टीलाई नियमित रूपमा उपलब्ध गराउन ‘आरएसपी पल्स’ एप अनिवार्य गरेको छ ।

सभापति लामिछानेको निर्देशनमा रास्वपाका मन्त्रीले २४ घण्टाभित्र एप डाउनलोड गरी आफ्ना गतिविधि अद्यावधिक गर्नुपर्ने व्यवस्था गरिएको सांसद बोधनारायण श्रेष्ठले बताए । ‘सांसद, पार्टी र जनताबीच पारदर्शिता र जवाफदेहिताको सहज एकरूपता कायम गर्न यो डिजिटल प्ल्याटफर्ममा अनिवार्य गतिविधि अपडेट गर्नुपर्ने व्यवस्था गरिएको हो,’ श्रेष्ठले भने ।

रास्वपाले यसअघि नै सांसदहरूको गतिविधि अद्यावधिक तथा समन्वयका लागि अनलाइन प्लेटफर्म सञ्चालनमा ल्याएको थियो । सांसदहरूले पर्याप्त रूपमा गतिविधि अद्यावधिक नगरेपछि मन्त्रीहरूका लागि भने यसलाई अनिवार्य गरिएको पार्टी सचिवालयले जनाएको छ ।

एपमार्फत मन्त्रीहरूले संसद्मा बोल्ने विषय, सांसदहरूले उठाएका प्रश्न र त्यसको जवाफ, मन्त्रालयका गतिविधि, महत्वपूर्ण निर्णय, परिवर्तनकारी काम, भ्रमण तथा भेटघाटलगायत विवरण अद्यावधिक गर्नुपर्नेछ ।

मन्त्रीको गुनासोपछि सांसदलाई लगाम
पछिल्ला केही सातादेखि रास्वपा सांसदहरूले नै मन्त्रीहरूको कार्यशैलीमाथि संसद्मा प्रश्न उठाउँदै आएका थिए । जनस्तरमा सरकारका केही मन्त्रालयको कार्यसम्पादनप्रति नकारात्मक धारणा बढेको भन्दै सांसदहरूले सदनमै सरकारको आलोचना गर्न थालेपछि मन्त्रीहरूले पार्टी सभापति लामिछानेसमक्ष गुनासो गरेका थिए ।

मन्त्रीहरूको गुनासोपछि लामिछानेले संसदीय दलको बैठक बोलाएर सांसदहरूलाई संयमित हुन निर्देशन दिएको बैठकमा सहभागी एक सांसदले बताए ।

रास्वपाका सांसदहरूले पछिल्लो समय संसद्मा प्रतिपक्षी दलका सांसदभन्दा समेत चर्को स्वरमा सरकारको आलोचना गर्ने, सभामुखको निर्देशनको अवहेलना गर्ने र बैठक छाडेर हिँड्नेसम्मका गतिविधि गरेको विषयमा पनि बैठकमा छलफल भएको ती सांसदले बताए ।

पार्टीभित्रको विवाद र सरकारप्रतिको असन्तुष्टि सदनबाटै सार्वजनिक हुन थालेपछि त्यसलाई नियन्त्रण गर्ने रणनीतिका रूपमा संसदीय दलको बैठकबाट सांसदलाई निर्देशन दिइएको हो ।

ग्यासदेखि मलसम्ममा सभापतिको ‘समन्वय’
लामिछानेले सरकारका कमजोरी देखिएका विषयमा भने पार्टी सभापतिको तहबाट सम्बन्धित मन्त्रीसँग समन्वय गर्ने बताएका छन् ।

पछिल्लो समय देखिएको ग्यास अभाव’bout उद्योग, वाणिज्य तथा आपूर्तिमन्त्रीसँग समन्वय गर्ने, मल अभावका विषयमा कृषिमन्त्रीसँग छलफल गर्ने तथा शान्तिसुरक्षासम्बन्धी घटनामा गृहमन्त्री र सम्बन्धित मन्त्रीसँग समन्वय गर्ने उनले बताएका छन् ।

संसद्मा सरकारको आलोचना गर्नुभन्दा पार्टी नेतृत्वमार्फत समस्या समाधानका लागि पहल गर्न सांसदहरूलाई निर्देशन दिइएको हो ।

सम्बन्धित समाचार

कांग्रेस सांसद यादव सदनमा किन ‘मौन’ उभिए ? प्रधानमन्त्री शाहले आज भारत र चीनका राजदूतसँग छुट्टाछुट्टै भेटवार्ता गर्ने दिउँसो ३ बजे मन्त्रिपरिषद बैठक बस्दै मन्त्रिपरिषद् बैठकका ५ निर्णय साढे ५ महिनापछि पूर्वप्रधानमन्त्री देउवा आज स्वदेश फर्किँदै, भव्य स्वागतको तयारी सुदूरपश्चिमका मुख्यमन्त्री शाहले आज विश्वासको मत लिँदै ३० दिन अल्पमतमा बसेर शाहको राजीनामा, सुदूरपश्चिममा नयाँ सरकारको बाटो खुला समापन समारोहमा किन गएनन् पूर्णबहादुर र शेखर