काठमाडौं । भोटेकोशी नदीमा पानीको बहाव बढेको खबरपछि त्रसित बनेका तटीय क्षेत्रका नागरिकलाई जल तथा मौसम विज्ञान विभागअन्तर्गतको बाढी पूर्वानुमान महाशाखाले आश्वस्त पारेको छ। महाशाखाले हाल रसुवा, नुवाकोट र धादिङका नदी आसपासका क्षेत्रमा ठूलो बाढीको खतरा नरहेको स्पष्ट पारेको हो।

आज बिहान ५:४५ बजे अद्यावधिक सूचना जारी गर्दै महाशाखाले जिल्ला प्रहरी कार्यालय रसुवाको पछिल्लो वस्तुस्थिति विवरणका आधारमा तटीय क्षेत्रमा तत्काल कुनै ठूलो विपद्को जोखिम नरहेको जानकारी दिएको छ।

महाशाखाका अनुसार नदी सुसाएको र बहाव बढेको प्रारम्भिक सूचनापछि गरिएको अनुगमनमा नुवाकोट क्षेत्रमा पानीको सतह केही बढेको देखिए पनि त्यो खतराको तहभन्दा तलै रहेको पाइएको छ। यसअघि सतर्कता अपनाउन आग्रह गरिए पनि पछिल्लो अवस्थालाई हेर्दा रसुवा, नुवाकोट र धादिङ हुँदै बहने नदी तटीय क्षेत्र हाल सुरक्षित रहेको महाशाखाले जनाएको छ।

सम्बन्धित समाचार

बागमतीका मुख्यमन्त्री बानियाँद्वारा प्रदेश प्रमुख देवकोटा समक्ष राजीनामा पेस खोलाले बगायो ४ बालिका: १ को शव फेला, २ बेपत्ता, १ जनाको उद्दार बागमतीमा एमालेलाई नेकपा र राप्रपाको समर्थन, आजै थापा मुख्यमन्त्री बन्ने संविधान र सर्बोच्चको आदेशविपरित फोहोरमा बलजफ्ती बागमतीका मुख्यमन्त्री थापाले विश्वासको मत लिन बोलाइएको बैठक सोमबार बस्नै सकेन, अर्काे बैठक भोलि ४ बजे तत्काललाई थप जोखिम हट्यो रसुवामा बाढी प्रभावित ४४ जनाको उद्धार, टनेलमा फसेकाको खोजी तीव्र विद्युतीय चुलो प्रवर्द्धनमा जोड