कालीकोट । पहिरोले चार दिनदेखि अवरुद्ध कर्णाली राजमार्ग खुलेको छ । अविरल वर्षाका कारण शनिबारदेखि अवरुद्ध कर्णाली राजमार्ग पूर्ण रुपमा सञ्चालनमा आएको सडक डिभिजन कार्यालय जुम्लाले जनाएको छ।

सुर्खेत–जुम्ला सडकअन्तर्गत कालीकोट जिल्लाको गगनेखोलामा आएको पहिरो आज हटाएपछि सडक खुलेको हो। सडक खुलेपछि रोकिएका मालवाहक ट्रक गुड्न थालेका छन् ।

वर्षाका कारण एसमोड, मेअरखोला, गगनेखोलासहितका धेरै स्थानमा पहिरो जाँदा सडक बन्द भएको थियो । पहिरोले सडक अवरुद्ध हँुदा जुम्लाबाट सुर्खेत नेपालगञ्जका लागि गएका ट्रक बाटोमै थन्किएका थिए ।

अवरुद्ध सडक खुलेसँगै बीच बाटोमा रोकिएका सवारीसाधन आ–आफ्नो गन्तव्यतिर लागेको जिल्ला प्रहरी कार्यालय बालीकोटले जनाएको छ। निरन्तरको वर्षाले बाटो पन्छाउन चुनौति बिचमा सडक कार्यालयले पहिरो पन्छाएको हो ।

सम्बन्धित समाचार

बाढिले बगाउँदा बोलेरो चालक बेपत्ता नेकपाबाट कर्णालीमा ३ जना महिला मन्त्री नियुक्त एक महिनापछि कर्णाली सरकार लयमा संगीता राना स्मृति पुरस्कारबाट सापकोटा पुरस्कृत दलित उज्यालो कार्यक्रमः पैसा तिरेको वर्ष बित्दा पनि पाएनन् विद्युत् मिटर ईनिशा विक हत्या प्रकरण : ३ बालकलाई अभिभावकको जिम्मा लगाउन सर्वोच्चको आदेश रसुवा बाढीमा कर्णालीका १६८ जनाको अवस्था अज्ञात नमूना बस्ती पहिरोको उच्च जोखिममा