काठमाडौँ । नेपाली काँग्रेस संस्थापन इतर समूहका नेता डा. शशांक कोइरालाले पार्टीभित्र देखिएको विवाद समाधानका लागि वार्ता नै एक मात्र विकल्प भएको बताएका छन् ।

उनले काँग्रेसलाई विभाजित नभई एकताबद्ध बनाएर अघि बढाउन आफूहरू गम्भीर रहेको स्पष्ट पारेका हुन् ।

सोमवार चुनदेवीमा आयोजित पत्रकार सम्मेलनमा कोइरालाले पार्टीको १५ औँ महाधिवेशन अत्यन्त महत्वपूर्ण रहेको भन्दै यसले नेपाली काँग्रेससँगै नेपालको राजनीतिको आगामी दिशासमेत तय गर्ने बताए ।

संस्थापन पक्षले संस्थापन इतर समूहले राखेका माग सम्बोधन भइसकेको र अब पार्टी एकतामा नआउनुको कारण नरहेको तर्क गरिरहेको विषयमा कोइरालाले दुवै पक्षको धारणा सुन्नुपर्ने बताए ।

उनले आफूहरूले पटक–पटक एकताबद्ध भएर अघि बढ्न र वार्तामा बस्न आग्रह गरेको दाबी गरे । पूर्वसभापति शेरबहादुर देउवासहित सभापति गगन थापा र उपसभापति विश्वप्रकाश शर्मासँग पनि वार्ताका लागि आग्रह गरिएको उनको भनाइ छ । कोइरालाले काँग्रेसको भविष्य सुरक्षित गर्नु आफूहरूको जिम्मेवारी भएको भन्दै पार्टीलाई सही दिशामा अघि बढाउन आवश्यक कदम चाल्नुपर्ने बताए ।

देउवासँग भेटका लागि समय माग्दा नदिइएको भन्ने समाचार’bout सोधिएको प्रश्नमा उनले देउवा व्यस्त भएको हुनसक्ने बताए । तर भेट्नै नचाहेको भन्ने अवस्था नरहेको उनको भनाइ छ ।

उनले भने, ‘हामी एकताबद्ध भएर जान चाहन्छौँ । वार्ता बाहेक हाम्रो कुनै समाधान छैन । उहाँहरूसँग वार्ता गरेर मूल बाटोमा उहाँहरूलाई स्वागत गर्न चाहन्छौँ। एकताबद्ध भएर अगाडि बढ्न चाहन्छौँ । हामीले त कतिचोटि भन्यौँ, एकताबद्ध भएर जाऔँ, वार्ता गर्न आउनुस् भनेर। उहाँहरूले सुन्नुभएन भने हामीले के गर्ने ? सायद उहाँ व्यस्त हुनुहुन्थ्यो होला । त्यो म भन्न सक्दिनँ । सायद व्यस्तताकै कारणले होला । नत्र भेट्नै नहुने भन्ने त कुनै कुरा आउँदैन ।’

उनले १५ औँ महाधिवेशनलाई पार्टीको आन्तरिक विषयमा मात्र सीमित नभई नेपालको राजनीतिक भविष्यसँग जोडिएको महत्वपूर्ण अवसरका रूपमा व्याख्या गरे । काँग्रेसलाई एकताबद्ध बनाएर महाधिवेशनमा सहभागी गराउन आफूहरू वार्तामार्फत समाधान खोज्न तयार रहेको उनको भनाइ छ ।

सम्बन्धित समाचार

प्रतिनिधिसभाको बैठक आह्वान, महाविपद्‍ सम्बन्धमा सभामुखले विशेष प्रस्ताव पेस गर्ने राष्ट्रिय अनुसन्धान विभागलाई प्रधानमन्त्री कार्यालय लैजाने विधेयक पारित जसपा नेपालले पाँच प्रदेशसभा सदस्यसहित स्थानीय तहका दुई दर्जन जनप्रतिनिधिमाथि चलायो कारबाहीको डन्डा प्रधानमन्त्री बालेन राष्ट्रसंघको महासभामा भाग लिन अमेरिका जाने राष्ट्रपति पौडेलले गरे राष्ट्रको नाममा सम्बोधन, भने, `बिपदमा हातोमालो गरौं´ संघीय संसद्का दुवै सदनको बैठक बस्दै, यस्ता छन् सम्भावित कार्यसूची जेनजी शहीद दिवसः सरकार औपचारिकतामै, असन्तुष्टि सडकमै विवादको थेग्न नसक्दा ५ वर्षमा ६ मन्त्रीको राजीनामा