काठमाडौं । नेपाल राष्ट्र बैंकले दसैँका लागि नयाँ तथा खुद्रा नोट जुनसुकै दिन कार्यालय समयमा साट्न सकिने जनाएको छ । बैंकले नयाँ नोट साट्न विगतको जस्तो छुट्टै मिति नतोक्ने भएको छ। 

राष्ट्र बैंकका अनुसार व्यापारिक प्रयोजनका लागि नयाँ तथा सुकिला नोट सटहीको सुविधा उपलब्ध हुनेछ। यसपालि दसैँमा नयाँ नोट साट्न चाहनेले राष्ट्र बैंकले छुट्टै मिति तोक्ने प्रतीक्षा गर्नुपर्ने छैन। नियमित कार्यालय समयमा नै नोट सटही गर्न सकिनेछ।

राष्ट्र बैंकले नियमित कार्यालय समयमै बजारको मागअनुसार नयाँ तथा खुद्रा नोट सटही सुविधा दिने भएको हो । राष्ट्र बैंकसँग पर्याप्त नोट रहेकाले मागअनुसार नयाँ नोट उपलब्ध गराइने भएको छ। नयाँ नोटले माग धान्न नसके सुकिला नोटसमेत वितरण गर्ने राष्ट्र बैंकको योजना छ।

राष्ट्र बैंकको बैंकिङ काउन्टरसँगै बैंक तथा वित्तीय संस्थाहरूले पनि नयाँ तथा खुद्रा नोट लगेर आफ्ना ग्राहकलाई वितरण गरिरहेका छन्। 

अहिले राष्ट्र बैंकमा नोट सटही गर्न जानेले दुई बन्डलसम्म साट्न पाउने व्यवस्था छ। एउटा बन्डलमा ५, १०, २०, ५० र १०० रुपैयाँ दरका नोट एक–एक सय थान हुन्छन्।

सम्बन्धित समाचार

चालु आवको दुई महिना : सरकारको आम्दानीभन्दा खर्च नौ अर्बले बढी आजको विदेशी मुद्राको विनिमयदर : कमजोर बन्यो अमेरिकी डलर, चिनियाँ युआन, थाई भाट र जापानी येन अर्थमन्त्री डा.स्वर्णिम वाग्ले र भारतीय विदेशमन्त्री डा. एस जयशंकरबीच भेटवार्ता सम्हालिँदै सेयर बजार, ७ अंकले बढ्यो नेप्से राष्ट्र बैंकद्वारा छ लघुवित्त वित्तीय संस्थालाई कारबाही सडक बन्दको असर बजारमा, दशैंसम्मै अभाव र महँगी इटहरीमा आजदेखि सीप तथा रोजगार मेला, सभामुख अर्यालले उद्घाटन गर्दै कहाँ छ सञ्चयकर्ताको ७५ अर्ब रुपैयाँ ?