सुन्दरहरैंचा (मोरङ) । मोरङको सुन्दरहरैंचा नगरपालिका–७, मालती मार्गस्थित क्रिश्चियन शैक्षिक संस्था ‘नेपाल न्यू कोभेनन्ट कलेज’बाट २४ जना कोरियाली नागरिक पक्राउ परेका छन्। आज दिउँसो करिब साढे ३ बजे कलेजमा आयोजित धार्मिक प्रशिक्षण तथा कार्यक्रममा सहभागी भइरहेका बेला प्रहरीले उनीहरूलाई नियन्त्रणमा लिएको हो।

पर्यटक भिसामा नेपाल आएका विदेशी नागरिकले भिसाको उद्देश्यविपरीत धार्मिक शिक्षा, तालिम वा प्रचारप्रसार गरिरहेको भन्ने सूचना प्राप्त भएपछि प्रशासनले निगरानी बढाएको थियो। स्थानीयवासीको उजुरीपछि विगत दुई दिनदेखि निगरानी गरिएको र अनुसन्धानका क्रममा उनीहरू भिसाको उद्देश्यविपरीत धार्मिक गतिविधिमा संलग्न रहेको पाइएपछि जिल्ला प्रशासन कार्यालयको निर्देशनमा नियन्त्रणमा लिइएको बताइएको छ।

उनीहरू असोज २० र २१ गते काठमाडौं हुँदै विराटनगर आएका थिए। उनीहरूको असोज २५ गतेसम्म मोरङमा बस्ने कार्यतालिका रहेको बताइएको छ।

लभ नेपाल मिसनको सहयोगमा सञ्चालित नेपाल न्यू कोभेनन्ट कलेजमा धर्मशास्त्रको अध्ययन तथा अध्यापन हुँदै आएको छ। उक्त संस्थाले प्रमाणपत्र तहदेखि विद्यावारिधिसम्मको धार्मिक शिक्षा प्रदान गर्दै आएको बताइएको छ।

पक्राउ परेका २४ जना कोरियाली नागरिकलाई थप अनुसन्धान तथा आवश्यक कानुनी प्रक्रिया अघि बढाउन काठमाडौंस्थित अध्यागमन विभाग पठाउने तयारी गरिएको छ। उनीहरूलाई विराटनगर विमानस्थल हुँदै काठमाडौं पठाउन लागिएको जनाइएको छ।

यसअघि विराटनगरबाट दुई जना चिनियाँ नागरिकसमेत पक्राउ परेका थिए। पछिल्ला घटनाले पर्यटक भिसामा नेपाल आउने विदेशी नागरिकको गतिविधि तथा भिसाको उद्देश्य पालना भए–नभएको विषयमा प्रशासनको निगरानी बढेको देखाएको छ। यद्यपि, पक्राउ परेका कोरियाली नागरिकको पहिचान, उनीहरूमाथि लाग्ने सम्भावित कानुनी कारबाही तथा अनुसन्धानको अन्तिम निष्कर्ष’bout थप विवरण सार्वजनिक हुन बाँकी छ।

सम्बन्धित समाचार

सीमा क्षेत्रमा सुरक्षा निगरानी बढाउँदै झापा प्रशासन दुर्गा प्रसाईं आज पनि पक्राउ कर्णालीका पूर्वमुख्यमन्त्री शर्माको सांसद पद खारेज दुर्गा प्रसाईंलाई ३ दिन थुनामा राखेर अनुसन्धान गर्न अनुमति चामेमा थुनिएको मर्स्याङ्दी नदीमा पानीभन्दा बढी गेग्र्याङ मोरङ–६ कांग्रेस अधिवेशन विवादपछि नयाँ संयोजक तोकियो, सञ्जयकुमार मण्डललाई जिम्मेवारी इजिप्टमा छ पत्रकार पक्राउ, प्रतिबन्धित मुस्लिम ब्रदरहुडसँग सम्बन्धित रहेको अरोप प्रधानमन्त्री कार्यालयले सार्वजनिक गर्‍यो भदौ ५ यताका १५ उपलब्धि