काठमाडौं । साताको कारोबारको तेस्रो दिन बुधबार  नेप्से परिसूचक सामान्य बढेको छ। आज नेपाल स्टक एक्सचेन्ज (नेप्से) परिसूचक १.४० अंक बढेर २६६५.५३ विन्दुमा पुगेको छ। 

सेन्सेटिभ इण्डेक्स २.६९ अंक, फ्लोट इण्डेक्स ०.४४ अंक र सेन्सेटिभ फ्लोट इण्डेक्स ०.९९ अंक घटेको छ। १३ मध्ये चार उपसमूहको परिसूचक बढेको छ । अन्य उपसमूहको परिसूचक सर्वाधिक ६.१८ प्रतिशत बढेको छ। व्यापार उपसमूहको परिसूचक १ प्रतिशतभन्दा बढी, जीवन बीमा र म्युचुअल फण्ड उपसमूहको परिसूचक सामान्य अंक बढेको छ।

नेप्सेसँगै आज कारोबार रकम पनि बढेको छ। मंगलबार पाँच अर्ब ६५ करोड रुपैयाँबराबरको सेयर खरिदबिक्री भएको थियो । बुधबार सात अर्ब ४३ करोड ९३ लाख ६६ हजार रुपैयाँबराबरको दुई करोड १२ लाख २३ हजार कित्ता सेयर खरिदबिक्री भएको छ।

आज श्वेत गंगा हाइड्रोपावर एण्ड कन्स्ट्रक्सन कम्पनीको ८५ करोड ८४ लाख रुपैयाँबराबरको सेयर कारोबार भएको छ। घोराही सिमेन्ट इण्डष्ट्रीको ५१ करोड रुपैयाँभन्दा बढी र हिमालयन रि इन्स्योरेन्सको कारोबार रकम ३६ करोड रुपैयाँ नाघेको छ।

नेपाल पुनर्बीमा कम्पनीको सेयर सकारात्मक सर्किट लेभलमा कारोबार भएको छ। सो कम्पनीको सेयरमूल्य १२० रुपैयाँ २० पैसा बढेर ९२१ रुपैयाँ ७० पैसामा अन्तिम कारोबार भएको छ। हिमालयन रि इन्स्योरेन्सको सेयरमूल्य साढे ११ प्रतिशत, श्वेत गंगा हाइड्रोपावर एण्ड कन्स्ट्रक्सनको सेयरमूल्य साढे ८ प्रतिशत बढेको छ। 
 

सम्बन्धित समाचार

असोजमा झन्डै ६ अर्बको बिजुली निर्यात प्रतितोला ३ हजार रुपैयाँले बढ्यो सुनको मूल्य सुनको मूल्य बढ्यो, चाँदीको घट्यो स्याङ्जामा आलुमा आत्मनिर्भर बनाउन अनुदान सुनचाँदीको मूल्यमा उल्लेख्य गिरावट, कतिमा भइराखेको छ आज कारोबार ? वाणिज्य बैंकको नाफा १९ अर्ब, गत वर्षभन्दा ६ अर्बले वृद्धि धनगढीमा सफल मार्टको नयाँ शाखा उद्घाटन, घरायसी र व्यावसायिक सामग्री एकै ठाउँ पाइने फूलखेतीले फेरिँदै धनगढीका किसानको आर्थिक अवस्था