काठमाडौं । ‘दउरा घाटे के लेजाई….’ बोलको भोजपुरी छठ गीत धुम मचाएको छ । काठमाडौं, तराई मधेसका साथै भारतको यूपी, बिहार, झारखण्ड सहित भोजपुरीभाषी एवं छठ पर्व हुने क्षेत्रमा सो गीत अहिले रुचाइएको छ ।

लोकगायक रवीराज शाहको स्वर रहेको सो गीत यूट्यूवमा टे«डिङमा रहेको छ । गत बर्ष ‘कौना घाटे औनाजाना….’ बोलको भोजपुरी छठ गीत सार्वजनिक गरेका गायक शाहले त्यसलाई निरन्तरता दिदै छठ पर्वको अर्को गीत सार्वजनिक गरेका हुन् ।

‘छठ पर्व सन्तान प्राप्ती, सन्तानको दिर्घायूका लागि गर्ने गरिन्छ । सोही बिषय बस्तुलाई यो गीत मार्फत एउटा निसन्तान आमाको पीडा र बेदना देखाइएको छ’ गायक शाहले भने, ‘गीतको अन्त्यमा छठी मातामाथि विश्वास र पुजा गर्नेलाई सन्तान प्राप्ती हुन्छ । र यो गीत लोकलयमा आधारित छ ।’

तराई मधेस, बिहार, यूपी लगायतका ठाउँमा निसन्तान महिलालाई बिभिन्न तानाबाना दिने गरेको र बाझिन भनेर मानसिक एवं सामाजिक तनाव दिने गरिएको बताउँदै उनले सोही बिषयलाई गीतमा समेट्ने प्रयास गरिएको बताए ।

चर्चित एवं लोकगायक शाहको स्वर रहेको गीत उमालाल यादवले लेखेका छन् । संगितकार रौशन सिंह, भिडयो निर्देशक राजिव समर र भिडियो सम्पादन देवेन्द्र कुशवाहाले गरेका छन् । भिडियो सम्पादन गरेको कुशवाहाले यस अघि भोजपुरी, हिन्दी, नेपाली सहित बिभिन्न भाषाका चर्चित गीतहरुको सम्पादन गरेका छन् ।

‘दउरा घाटे के लेजाई….’ बोलको भोजपुरी छठ गीतमा गायक रविराज शाह सहित सिमा शर्मा, ममता मण्डल, विवि शाह, लगायतका कलाकारले अभिनय गरेका छन् । गीत गायक शाहको औफिसियल यूट्यूब च्यानलबाट सार्वजनिक गरिएको छ ।

सम्बन्धित समाचार

दिव्या र करण आमने सामने ! फिल्म ‘गुन्युचोलो’ अमेरिकाको प्रतिष्ठित तस्वीर फिल्म मार्केटमा छनोट फिल्म ‘एक्टर: टेक वन’ प्रदर्शन मिति सर्यो ‘पुष्पा २: द रुल’ ले रिलिज अघि नै कमायो ९०० करोड ! बक्स अफिस रिपोर्ट अन्यौल, बोर्डले अझै ६ महिना व्यापारिक रिपोर्ट नदिने छक्का पञ्जाको आम्दानी बाढी पीडितलाई सहयोग विपन्न चलचित्रकर्मीको दाहसंस्कार खर्च अब बोर्डले ब्यहोर्ने टिजरमा आयो केटी हराएको सूचना संस्कृति मन्त्रीलाई ललितकला प्रतिष्ठानका पदाधिकारीले बुझाए प्रतिवेदन ‘फेश अफ क्लासिक डायण्ड’को खोजी हरर कमेडी फिल्म ‘फिरफिरे फिरिरी’ को ट्रेलर सार्बजनिक सृष्टि बनिन् मिस पोखरा