काठमाडौं । अमेरिकाको ४७औं राष्ट्रपतिमा रिपब्लिकन उम्मेदवार डोनाल्ड ट्रम्प निर्वाचित भएका छन् । डेमोक्रेटिक उम्मेदवार उपराष्ट्रपति कमला ह्यारिसलाई पराजित गर्दै बिहीबार दोस्रो कार्यकालका लागि राष्ट्रपति निर्वाचित भएका हुन् । निर्वाचन आयोगले आधिकारिक घोषणा गर्न भने बाँकी छ ।

१० इलेक्टोरल भोट भएको विस्कन्सिन र ३ इलेक्टोरल भोट भएको अलस्कामा रिपब्लिकनको जित पक्का भएको हाे । राष्ट्रपतिमा ट्रम्पको इलेक्टोरल भोट २ सय ७९ पुगेको छ । राष्ट्रपति निर्वाचित हुन २ सय ७० इलेक्टोरल भोट आवश्यक पर्छ ।

यसअघि सन् २०१६ मा डेमेक्रेटिक उम्मेदवार हिराली क्लिनटनलाई हराउँदै ट्रम्प ४५औं राष्ट्रपतिमा निर्वाचित भएका थिए । २०२० मा भने उनी वर्तमान राष्ट्रपति जो बाइडनसँग पराजित भए । अमेरिकाको ४७औं राष्ट्रपतिमा निर्वाचित हुने निश्चित भएसँगै रिपब्लिकन उम्मेदवार डोनाल्ड ट्रम्पले १ सय ३२ वर्षपछि नयाँ रेकर्ड कायम गरेका छन् ।

एक कार्यकाल राष्ट्रपति भएर दोश्रोपटकमा हार व्यहोरेर तेश्रो प्रयासमा पुनः राष्ट्रपति बन्ने ट्रम्प १ सय ३२ वर्षपछि पहिलो हुन् । राष्ट्रपति निर्वाचनमा एकपटक पराजित भएपछि समान्यतः अर्को प्रयास गरेको रेकर्ड अमेरिकी इतिहासमा कमै छ ।

१ सय ३२ वर्षअघि सन् १८९२ मा ग्रोभर क्लिभल्यान्डले पहिलो कार्यकाल राष्ट्रपति भएपछि दोश्रो कार्यकालमा हारेका थिए । तेश्रोपटक पुनः चुनाव लडेका उनले जितेका थिए । पहिलो पटक १८८५ मा २२औं राष्ट्रपतिमा निर्वाचित भएका क्लिभल्यान्ड १८८९ मा पराजित भए । १८९३ मा फेरि उम्मेदवार भएका उनी २४औं राष्ट्रपतिमा निर्वाचित भएका थिए ।

सम्बन्धित समाचार

अन्तिम चुनावी अभियानमा ह्यारिस र ट्रम्प ट्रम्प राष्ट्रपतिमा जीत नजिक केपी ओलीको प्रधानमन्त्रीकालमा साढे ३ खर्बको व्यापार घाटा प्राधिकरणले फेरी काट्न थाल्यो उद्योगको विद्युत लाइन पछिल्लो सर्वेक्षणमा ट्रम्प अगाडी, ह्यारिसलाई झट्का इरानमाथिको आक्रमण समाप्त भएको इजरायलको घोषणा एकजुट भएर काम गरेमा नेपालको विकास सम्भव: प्रधानमन्त्री ओली ‘२०३३ सालमा भएको मिलापत्रले जग्गा व्यक्तिका नाममा आएको हो, अब विवाद गर्नु हुन्न’ सरकारको आयुवारे प्रधानमन्त्री ओली किन सशंकित ? ‘आज तिहारको कुनै पर्व छैन’ स्पेनको बाढीमा मृत्यु हुनेको संख्या १५८ पुग्यो विधिको शासनका लागि संघर्ष गरेकाहरूलाई तिरस्कार गर्ने दुष्प्रयास भयो- उपप्रधानमन्त्री सिंह