स्याङ्जा । राजधानी दैनिकका स्याङ्जा संवाददाता सम्मानित भएका छन् । पत्रकारितालाई आफ्नो पेशा बनाई विभिन्न क्षेत्र तथा विधामा कलम चलाउदै आएको भन्दै वालिङस्थित एक सहकारीले सिग्देललाई सम्मान गरेको हो ।

उनले साढे ३ बर्ष नेपाल पत्रकार महासंघको अध्यक्ष रहेर कार्यसम्पादन गरेका छन् । नेपाल पत्रकार महासंघको निवर्तमान अध्यक्ष बन्न लागेका सिग्देललाई ऋद्धिसिद्धि बचत तथा ऋण सहकारी संस्थाले सहकारी अभियानमा कलम चलाएको भन्दै १७ औं बार्षिक साधरणसभा तथा छैठौं अधिवेसनमा करुवा, कदरपत्र र दोसल्लाले सम्मान गरेको छ ।

गण्डकी प्रदेश सभाका अर्थ तथा विकास समितिका सभापति भोजराज अर्यालले सिग्देललाई करुवा, कदरपत्र र दोसल्लाले सम्मान गरेका थिए । पत्रकारिताका क्षेत्रबाट सहकारीका गतिविधिहरुलाई उजागर गर्न सहयोग पु¥याएको र आगामी दिनमा सहकारी अभियानलाई सफलता बनाउन प्रेरणा जागोस भन्ने उदेश्यले सम्मान गरिएको सहकारीले जनाएको छ ।

सम्मान गर्दै गण्डकी प्रदेश सभाका अर्थ तथा विकास समितिका सभापति अर्यालले समाजलाई सकरात्मक बाटोमा लैजान संचारक्षेत्रको महत्वपुर्ण भुमिका हुने बताउदै यस्ता सम्मानले श्रमजीवी पत्रकारहरुलाई अझै अगाडी बढ्न र निखार बनाउन हौसला मिल्ने बताए । पछिल्लो समय सहकारीहरु संकटमा परेका बेला संचार क्षेत्रले सहकारीहरु धरासायीको बाटोमा भन्दा समाधानका बाटोमा कलम चलाउन सबै पत्रकारहरुलाई आग्रह गरे ।

गण्डकी प्रदेशका सांसद कल्पना तिवारीले संचार क्षेत्र समाजलाई सु—सुचित गर्ने क्षेत्र भएकाले सत्यतथ्यमा रहेर समाचारहरु प्रकाशित र प्रशारित हुनुपर्नेमा जोड दिइन् । विगत लामो समयदेखी पत्रकारीतालाई पेश मान्दै आएका सिग्देललाई सहकारी सम्मान गरेर श्रमजीवी पत्रकारहरुको हौसला बढाउने काम गरेकोमा सहकारीलाई सांसद तिवारीले धन्यवाद दिइन् ।

जिल्लामा संचालित सहकारीहरु मध्ये ऋद्धिसिद्धि सहकारीले समाजमा योगदान पुराएका विभिन्न व्याक्तिहरुलाई हरेक बर्ष बार्षिक साधरणसभामा सम्मान गर्दै आएको सहकारीका अध्यक्ष मुक्तिप्रसाद पाण्डेले बताए । जसले सहकारीप्रतिको आकर्षण र विश्वास दिलाउन सहयोग हुने विश्वास अध्यक्ष पाण्डेले गरे ।

कार्यक्रममा पत्रकार सिग्देल सहित जेष्ठ सेयर सदस्यद्धोय गणेशप्रसाद भट्राई, हुमकला पाण्डे, उत्कृष्ट कारोबारी छविलाल पाण्डे र जामिला निशा, एसईईमा उत्कृष्ठ नजिता ल्याउने सुजाता श्रेष्ठ, आशिका कोईराला, दिक्षान्त पंगेनी, आयुष्मा अर्याल, एन्जिला अर्याललाई सम्मान गरिएको थियो ।

सम्बन्धित समाचार

लम्जुङको कारागारमा कैदी र बन्दीबीचको झडप, ३ घाइते महिलाहरू लाजले आज पनि रोग पालेर बस्छन्ः डा सुशीला वैद्य बारा गढीमाई मेलामा लाखौं मानिसको घुँईचो, मौलापुरद्वारा बाटो मर्मत सतीदेवीको दाहिने आँखा काँग्रेसले गण्डकी प्रदेश सभाको रिक्त पदमा सुनिता थापालाई पठाउने ‘ज्येष्ठ नागरिकलाई जरिमानाबापतको थप सजायमा छुट हुने’ बाजुरामा ८ बर्षिया बालिकाको हत्या धनगढीले उपलब्ध गराउने भयो ९८ जनालाई नि:शुल्क अपांगता सहायता सामग्री