मुम्बई । बलिउड अभिनेता सञ्जय दत्तको मुख्य भूमिका रहेको चलचित्र ‘आखरी सवाल’ सेन्सरमा अड्किएको छ । यसलाई केन्द्रीय चलचित्र प्रमाणन बोर्ड (सेन्सर बोर्ड)ले पास नगरेपछि यो चलचित्रको निर्धारित समयको रिलिज रोकिने अवस्था बढेको छ । चलचित्रका निर्माता सञ्जय आफैं हुन् ।

यो चलचित्रलाई आगामी ८ मेमा रिलिज तयारी गरिएको थियो । रिलिजको एक साता बाँकी रहँदासमेत निर्माताले अहिलेसम्म यसको ट्रेलर रिलिज गरेका छैनन् । चलचित्रको ट्रेलर ३० अप्रिल सार्वजनिक गरिने तयारी यसअघि नै भएको थियो । तर, केन्द्रीय चलचित्र प्रमाणन बोर्ड (सेन्सर बोर्ड)बाट चलचित्र ‘आखरी सवाल’ रिलिजका लागि स्वीकृत भएन । सोही कारण आफूहरूले चलचित्रको ट्रेलर रोकेको निर्माण पक्षले बिहीबार जनाएको छ । चलचित्रको टिजर भने केही समयअघि नै रिलिज गरिएको थियो ।

यसमा मुख्य कलाकारले महात्मा गान्धीको हत्यापछि लगाइएको प्रतिबन्ध र बाबरी मस्जिद भत्काउने विवादसहित ऐतिहासिक घटना’bout छलफल गरिरहेको टिजरमा प्रस्तुत गरिएको छ । चलचित्र ‘आखरी सवाल’ सन् १९२५ मा स्थापित राष्ट्रिय स्वयंसेवक संघको सय वर्षको यात्राबाट प्रेरित छ ।

चलचित्रमा सञ्जय दत्तसँगै अमित साध, नमाशी चक्रवर्ती, समीरा रेड्डी, त्रिधा चौधरी, नीतू चन्द्रजस्ता कलाकारको अभिनय रहेको छ । चलचित्रलाई अभिजीत मोहन वारङले निर्देशन गरेका हुन् । निखिल नन्द र सञ्जय दत्तले निखिल नन्द मोसन पिक्चर्स र नीम ट्री इन्टरटेनमेन्टको ब्यानरमा यसलाई संयुक्तरूपमा निर्माण गरेका हुन् ।-एजेन्सी

सम्बन्धित समाचार

नवगायक दिलिप लिम्बुको एकै साथ दुई गीतको म्युजिक सार्वजनिक दुई दशकपछि चलचित्रको पर्दामा उत्तम र निरुताको जोडी ‘लाइफ ड्यामेज’प्रति आशावादी सुरक्षा जो सुन्दरी प्रतियोगितामा ताज जितेपछि नायिका बने कर्णाली चलचित्र महोत्सव सम्पन्न अभिनेता रणवीर सिंहले अदालतमै माफी मागेपछि टुंगिँदै मुद्दा चीनमा नेपाली चलचित्रको प्रदर्शनमा सरकारी चासो पलेँटीमा गुन्जिए पवन र रमेश