काठमाडौं । राष्ट्रिय स्वतन्त्र पार्टी (रास्वपा) ‘मिसन २०८४’मा जुटेको छ । सरकारले २०८४ को वैशाख÷जेठमा प्रदेश सभा सदस्य र पालिका निर्वाचन गराउने तयारीमा जुटेसँगै रास्वपा ‘मिसन २०८४’मा जुटेको हो । २१ फागुन २०८२ मा सम्पन्न प्रतिनिधिसभा सदस्य निर्वाचन परिणामबाट उत्साही रास्वपा स्थानीय तह निर्वाचन तयारीमा होमिएको छ । तर, पुराना भनिएका राजनीतिक दल ‘घर झगडा’मै रुमल्लिएका छन् । रास्वपा ‘मिसन २०८४’को तयारी तीव्र गतिमा अघि बढाउँदै गर्दा पुराना राजनीतिक दलभित्र आन्तरिक किचलो बढ्दै गइरहेको छ ।

नेपाली कांग्रेसभित्र तीन गुट सक्रिय छन् । यी गुटले पार्टी एकतामा जोड दिए पनि समानान्तर गतिविधि जारी राखेका छन् । नेपाल कम्युनिस्ट पार्टी (एमाले)मा अध्यक्ष केपी शर्मा ओली हटाउने अभियानलाई युवा–विद्यार्थी नेताले तीव्र पारेका छन् ।

नेपाली कम्युनिस्ट पार्टी (नेकपा) महाधिवेशन तयारीमा जुटेको छ । नेकपामा पनि संयोजक पुष्पकमल दाहाल ‘प्रचण्ड’, सहसंयोजक माधवकुमार नेपाल, पूर्वप्रधानमन्त्री झलनाथ खनालसहितका ज्येष्ठ नेतालाई जिम्मेवारीबाट हटाउनुपर्ने बहस जारी छ । युवानेताले नेतृत्व परिवर्तन बहस तीव्र पारेपछि संयोजक र सहसंयोजकले बैठक बोलाउनसमेत सकेका छैनन् । गत ३ वैशाखमा बसेको बैठकमा केन्द्रीय समितिका ४० सदस्यले नेतृत्व हस्तान्तरणलगायत विषयमा मागेको जवाफ नदिई प्रचण्ड र माधवले अचानक बैठक स्थगित गरे । त्यसयता पार्टी बैठकसहितका आन्तरिक गतिविधि ठप्प प्रायः छ ।

राजसंस्था, हिन्दु राष्ट्रको पुनस्र्थापनासहित संघीयता खारेजी माग गर्दै अघि बढेको राष्ट्रिय प्रजातन्त्र पार्टी (राप्रपा)मा पनि आन्तरिक किचलोले विभाजननजिक पुगेको छ । महामन्त्री धवल शमशेर राणा नेतृत्वको संस्थापनइतर समूहले पार्टी अध्यक्ष राजेन्द्र लिङ्देनको कार्यशैलीप्रति असन्तुष्टि जनाउँदै तत्काल पार्टी महाधिवेशन मिति घोषणा गर्न ‘अल्टिमेटम’समेत दिइसकेको छ ।

आगामी जेठभित्र महाधिवेशन गर्ने केन्द्रीय कार्यसमितिको निर्णयअनुसार निष्पक्ष व्यक्तित्वको संयोजकत्वमा महाधिवेशन सम्पन्न गर्ने वातावरण मिलाउन राणा नेतृत्वको टिमले निरन्तर दबाब दिँदा पार्टी विभाजनको डिलमा पुगेको नेता बताउँछन् ।

पुराना भनिएका कांग्रेस, एमाले, नेकपा, राप्रपालगायतका दलमा आन्तरिक किचलो झनझन बढ्दै गइरहेका बेला रास्वपा स्थानीय तहको निर्वाचनका लागि उम्मेदवार छनोटमा जुटेको छ । प्रतिनिधि सभा निर्वाचनमा रास्वपाले १८२ सिट जितेको छ । रास्वपा वरिष्ठ नेता बालेन्द्र शाह सरकारको नेतृत्व गर्दै छन् । निर्वाचन परिणामबाट उत्साही भएको रास्वपाले अब हुने प्रदेश सभा सदस्य र पालिकाको निर्वाचनमा समेत राम्रो परिणाम ल्याउने गरी आन्तरिक तयारीमा जुटेको छ ।

रास्वपाको सचिवालय बैठक काठमाडौंको वनस्थलीस्थित पार्टी केन्द्रीय कार्यालयमा आइतबार बस्दै छ । बैठकमा समसामयिक राजनीतिक, पार्टीको आगामी कार्यक्रमसहित संगठनात्मक गतिविधिको ’boutमा छलफल हुने बताइएको छ । सोही बैठकमा पार्टीले गठन गरेको स्थानीय तह निर्वाचनको छनोट समितिले अहिलेसम्मको अवस्थाको ’boutमा रिपोर्टिङ गर्दै छ ।

रास्वपा सहमहामन्त्री विपिन आचार्यको संयोजकत्वमा पार्टीले सात सदस्यीय उम्मेदवार छनोट तथा म्यान्डेट क्लब सम्पादन समिति गठन गरेको थियो । आगामी स्थानीय तहको निर्वाचनलाई लक्षित गर्दै उम्मेदवार छनोटको प्रक्रिया औपचारिक रूपमा सुरु गरेको रास्वपाले सचिवालय बैठकमा छलफल गर्दै छ ।

पार्टीको केन्द्रीय कार्यालयबाट जारी परिपत्रअनुसार देशभरका प्रदेश, जिल्ला, पालिका र वडा तहमा समन्वय गरेर व्यवस्थित रूपमा उम्मेदवार सिफारिस गर्न निर्देशन आचार्य नेतृत्वको समितिलाई दिइएको थियो । पार्टीले उम्मेदवार छनोटलाई पारदर्शी, सहभागितामूलक र व्यवस्थित बनाउन केन्द्रीय स्तरमा विशेष समिति गठन गरेर उम्मेदवार छनोटमा जुटेको छ । समितिले आवश्यक मापदण्ड तयार पार्दै योग्य, सक्षम र जनउत्तरदायी व्यक्तिहरूलाई प्राथमिकता दिने बताइएको छ ।

परिपत्रमा उल्लेख गरिएअनुसार वडा तहबाट सुरु हुने सिफारिस प्रक्रिया पालिका, जिल्ला हुँदै प्रदेशमार्फत केन्द्रीय समितिसम्म पठाइनेछ । यसका लागि स्पष्ट समयसीमा तोकिएको छ, जसअनुसार तोकिएको मितिभित्र सबै तहले आफ्नो सिफारिस पेस गर्नुपर्नेछ ।

पार्टीले उम्मेदवार छनोट प्रक्रियामा स्थानीय तहका कार्यकर्ताको सुझावलाई विशेष महत्त्व दिने र आवश्यक परेमा डिजिटल माध्यमबाट समेत विवरण संकलन गरिने जनाएको छ । साथै, सबै समितिलाई समयमै प्रतिवेदन पेस गर्न र समन्वयमा काम गर्न आग्रह गरिएको छ । यस कदमलाई आगामी निर्वाचनमा प्रभावकारी उपस्थिति जनाउने रणनीतिक तयारीका रूपमा हेरिएको छ ।

गत ७ वैशाखमा बसेको रास्वपाको केन्द्रीय समिति बैठकले सहमहामन्त्री आचार्यको संयोजकत्वमा उम्मेदवार छनोट समिति बनाएको थियो । समितिले ‘म्यान्डेट क्लब’ मार्फत २० वैशाखमा उम्मेदवार आह्वान गर्ने तयारी गरेको छ । यसअघि २०७९ सालको निर्वाचन, २०८२ कात्तिकमा हुने भनिएको उपनिर्वाचन र जेनजी आन्दोलनपछि फागुनमा भएको निर्वाचनमा उम्मेदवार छनोट मापदण्ड पनि आचार्यले नै बनाएका थिए । आगामी वैशाखमा हुने स्थानीय तह निर्वाचनमा उम्मेदवार छनोट मापदण्ड बनाउने जिम्मेवारी समेत पाएपछि आचार्य गृहकार्यमा जुटेका छन् ।

पार्टीको निर्वाचन आयोग, अनुशासन आयोग, पार्टीका सबै विभाग, केन्द्रीय समिति, संसदीय दल र पार्टीको सल्लाहकार परिषद्सँग छलफल गरेर आचार्य नेतृत्वको समितिले सुझाव लिइरहेको छ । उम्मेदवार छनोट प्रक्रिया जटिल रहे पनि अघिल्लो पटक प्रयोगमा आएको उम्मेदवार छनोट मापदण्ड लिडरसीप एकेडेमी, पोलिटिकल प्रोक्सिमिटी, समावेशिता र प्रारम्भिक निर्वाचन प्रणाली संशोधनसहित लागू हुने संयोजक आचार्यले जनाएका छन् ।

स्थानीय तहमा ७५३ पालिका, ६ हजार ७४३ वडा छन् । एक हजार ५०६ पालिका प्रमुख÷उपप्रमुख, अध्यक्ष÷उपाध्यक्ष, ६ हजार ७४३ वडाध्यक्ष, ६ हजार ७४३ महिला सदस्य, त्यति नै संख्यामा दलित महिला सदस्य र १३ हजार ४८६ खुला सदस्य गरी ३५ हजार २२१ जनाको निर्वाचन हुनेछ ।

२०८४ मा हुने स्थानीय तह र प्रदेश सभा सदस्य निर्वाचन राष्ट्रिय सभामा रिक्त हुने एकतिहाइ सदस्य निर्वाचित गर्न महŒवपूर्ण हुने भएकाले पनि सबैको चासो देखिएको छ । राष्ट्रपति र उपराष्ट्रपति निर्वाचनमा प्रदेश सभा र प्रतिनिधि सभा सदस्य मतदाता रहने छन् । राष्ट्रिय सभा सदस्य निर्वाचनमा स्थानीय तहका पालिका प्रमुख–उपप्रमुख र प्रदेश सभा सदस्य मतदाता समेत हुन् ।

सम्बन्धित समाचार

पार्टी निर्णय मान्छु, अनुसन्धानमा सघाउँछु : गृहमन्त्री रास्वपाद्वारा लेवी संरचनामा संशोधन जेनजी आन्दोलन प्रतिवेदन कार्यान्वयनमा विभेद रवि लामिछानेको सांसद पद निलम्बन गर्न माग गर्दै सर्वोच्चमा रिट शेखर गोल्छा पक्राउ परेसँगै उच्च निगरानीमा शाह, मोर र गुप्ता सुकुम्वासी बस्ती हटाउन ऐतिहासिक सफलता रास्वपाको दोहोरो चरित्र : सत्ताबाहिर ‘तिब्र आक्रामक’, सत्तामा ‘नम्र आक्रामक’ अमेरिकी विशेष दूत गोरले भेटे परराष्ट्र र अर्थमन्त्री