सङ्खुवासभा । सङ्खुवासभाको मकालु गाउँपालिका —२ मा रहेको विश्वको पाँचौँ अग्लो मकालु हिमाल आरोहण गरी फर्किने क्रममा एक पर्वतारोहीको मृत्यु भएको छ ।

विश्वको पाँचौँ अग्लो मकालु हिमाल आरोहण गरी फर्किने क्रममा अमेरिकन नागरिक ५३ बर्षीय शेली जोहानेसन मृत्यु भएको जिल्ला प्रहरी कार्यालय सङ्खुवासभाका प्रहरी नायव उपरीक्षक कुमार प्रसाद मैनालीले बताए ।

मकालु हिमाल आरोहण गरी फर्कने क्रममा मकालु हिमालको क्याम्प –२ र क्याम्प ३ को सिमानामा हिम पहिरोमा परेर आइतबार दिउँसो गम्भीर घाइते भएका थिए । गम्भीर घाइते अमेरिकन नागरिक शेलीको सोमबार बिहान मृत्यु भएको प्रहरी नायव उपरीक्षक मैनालीले बताए ।

मृतक अमेरिकन नागरिक शेलीको सेभेन समिट ट्रेक्स मार्फत सोमबार दिउँसो काठमाडौँ लगिएको जिल्ला प्रहरी कार्यालयले जनाएको छ । यातायात र सञ्चार सेवा नभएका कारण मकालुक्षेत्र भौगोलिकरुपमा विकट मानिन्छ । घटनास्थल सदरमुकाम खाँदबारीदेखि करिव १० दिनको पैदल दूरीमा पर्दछ ।

सम्बन्धित समाचार

सुन्दरहरैचामा सुकुम्बासीमाथि डोजर नचलाउन स्थानीय सरकारलाई सभापति तामाङको आग्रह सुन्दरहरैंचा नगरप्रमुख केदारप्रसाद गुरागाई सुकुम्बासीको पक्षमा उभिने पूरा हुँदै कृष्णबहादुरको सपना कलेज बस दुर्घटनामा चार जना घाइते सङ्खुवासभामा ६ हजार बढी बालबालिकाको स्वास्थ्य जाँचिने जङ्गली च्याउ खाँदा ११ जना बिरामी ६२ वर्षिय खड्का घर नजिकै मृत भेटिए खोटाङमा १ हजार १५१ जनाको जग्गा दर्ता प्रमाणिकरण सम्पन्न