काठमाडौं । राष्ट्रिय सद्भावना पार्टी नेपाली कांग्रेसमा समाहित भएको छ । कांग्रेस केन्द्रीय कार्यालय सानेपामा आज भएको कार्यक्रममा कांग्रेस सभापति गगन थापा र राष्ट्रिय सद्भावना पार्टीका अध्यक्ष नृपेन्द्रकुमार सिंहले पार्टी एकता सम्बन्धी सहमतिमा हस्ताक्षर गरे । लगत्तै सभापति थापाले राष्ट्रिय सद्भावना पार्टीका नेताहरूलाई पार्टीमा स्वागत गरे । सहमतिअनुसार सभापति थापाले नेता अनिल झालाई केन्द्रीय सदस्यमा मनोनीत गरेका छन् ।

राष्ट्रिय सद्भावना पार्टीका विभिन्न तहगत संरचनामा रहेका नेता कार्यकर्तालाई नेपाली कांग्रेसमा समायोजनका लागि कांग्रेसका नेता अर्जुननरसिंह केसी र अनिल झा रहेको कार्यदल बनाइएको छ । कार्यदललाई दुई साताको समय दिइएको छ ।

लोकतान्त्रिक समाजवादी पार्टी परित्याग गरेर अनिलकुमार झाले राष्ट्रिय सद्भावना पार्टी पुनर्गठन गरेका थिए। गत चुनावमा झा कांग्रेसको चुनाव चिन्ह लिएर उम्मेदवार बनेका थिए ।

अर्कोतिर आजै राप्रपा महामन्त्री धवल शमशेर राणाले पार्टी छाडेका छन् । राप्रपा अध्यक्ष राजेन्द्र लिङ्देनसँगको लामो समयको विवादपछि महामन्त्री राणाले पार्टी छाडेका छन् । उनले आज एक विज्ञप्ति जारी गर्दै अब विश्वसनीय राष्ट्रवादी शक्ति निर्माण गर्ने भनेका छन्।

राणासँगै उनी समर्थक राप्रपाका नेता तथा कार्यकर्ताहरुले पार्टी छाडेर नयाँ अभियानमा लाग्ने राप्रपाका नेताहरुले बताएका छन् । राणाले आजै आफू समर्थक केन्द्रीय सदस्यहरुसँग छलफल गरेका थिए । छलफलपछि उनले अपिल जारी गरेका हुन् । उनले जारी गरेको अपिलमा नयाँ अभियानमा सहभागी हुन आग्रह गरिएको छ ।

सम्बन्धित समाचार

प्रतिनिधि सभाको बैठक १५ मिनेटका लागि स्थगित सभामुखले विपक्षीलाई पेलेरै संसद बैठक अघि बढाए रास्वपाले टुंग्यायो महाधिवेशन तयारी कार्यतालिका किसानलाई समयमा नै मलको आवश्यक व्यवस्था मिलाउन ध्यानाकर्षण प्रतिनिधि सभा बैठक विपक्षीद्वारा अवरोध मन्त्रिपरिषद् बैठक बस्दै बाजुरा र हुम्लाको सीमाको अध्ययन गर्न समिति गठन दुर्गा प्रसाईंविरुद्ध मुद्दा दर्ता