काठमाडौं । विद्युतीय कारोबार मुद्दामा आरती रावल पुर्पक्षका लागि जेल चलान भएकी छन् । काठमाडौं जिल्ला अदालत स्रोतका अनुसार उनलाई महिला बन्दीगृह, जगन्नाथ देवल चलान गरिएको हो ।

काठमाडौं जिल्ला अदालतका न्यायाधीश उमानाथ गौतमको बेञ्चले बुधबार उनलाई पुर्पक्षका लागि थुनामा राख्न आदेश दिएको थियो ।

न्यायाधाशी भुवन गिरीविरुद्ध वैवाहिक बलात्कार मुद्दा दायर गरेकी रावल ‘न्यायका लागि’ भन्दै प्रदर्शनमा उत्रिने गरेकी थिएइन् । न्यायाधीश गिरी सोही मुद्दामा केही समय जेल चलान भएका थिए । पछि मुद्दामा सफाइ पाएर रिहा भएपछि उनी नियमित काममा सरिक हुन थालेका छन् ।

अदालतले गरेको आदेश अस्वीकार गर्दै फेरि उनै न्यायाधीश विरुद्धका गतिविधिमा उनी सक्रिय थिइन् । त्यसक्रममा विभिन्न विद्युतीय माध्यमबाट गिरीको मानहानी गर्ने कार्य गरेको भनी जिल्ला अदालतमा मुद्दा दायर भएको थियो ।

उनका विरुद्ध सर्वोच्च अदालतको पत्रको जाहेरीले नेपाल सरकार पक्ष भई मुद्दा चलेको थियो ।

सम्बन्धित समाचार

झापामा वित्तीय अपराध बढ्दो, एक वर्षमा ३७३ मुद्दा दर्ता रौतहट प्रहरीको एक वर्षः ४४८ फरार प्रतिवादी पक्राउ लागूऔषधसहित विभिन्न स्थानबाट १७ जना पक्राउ महानिर्देशक अधिकारीविरुद्ध पौने २ करोडको घुस मुद्दा प्रहरी कर्मचारीलाई ट्राफिक नियन्त्रण तालिम देशका विभिन्न जिल्लाबाट लागुऔषधसहित १९ जना पक्राउ सि.सं. ३६ गुल्मपति तथा स्टाफ कोर्षमा सशस्त्र प्रहरी निरीक्षक नारायण गुरुङ सर्वप्रथम खैरो हेरोइनसहित चार जना पक्राउ