पोखरा । कास्कीको अन्नपूर्ण गाउँपालिका वडा नम्रब ११ स्थित किम्रोङ खोला थुनिएको छ । पहिरोका कारण साँझ करिब ६ बजेदेखि खोला थुनिएर पानीको बहावमा अवरुद्धसँगै विशेष सतर्कता अपनाउन आग्रह गरिएको छ ।

अन्नपूर्ण गाउँपालिका अध्यक्ष विष्णुबहादुर केसीले खोला थुनिएपछि किम्रोङखोला तथा मोदीखोला तटीय क्षेत्रमा जोखिम बढ्न सक्ने भएकाले आसपासका क्षेत्रमा बसोबास गर्नेहरुलाई विशेष सतर्कता अपनाउन तथा सुरक्षित स्थानमा रहन सूचना जारी गरेका छन् ।

अध्यक्ष केसीको नेतृत्वमा एक टोली यस’bout बुझ्न वीरेठाँटी प्रस्थान गरेको छ । त्यसैगरी, घान्द्रुकबाट पनि प्रहरी टोली त्यसतर्फ प्रस्थान गरेको छ ।

जिल्ला प्रहरी कार्यालय, कास्कीले स्थानीयले खोला थुनिएको र पानीको बहावमा अवरुद्ध भएको जानकारी गराएपछि प्रहरी टोली खटाइएको हो ।

खोला थुनिएका र पछि त्यसको बहाव एकैपल्ट खोल्दा सम्भावित क्षति हुन सक्ने भएकोले तल्लो तटीय क्षेत्रमा सतर्कता अपनाउन आग्रह गरिएको छ । गण्डकी प्रदेश प्रहरी कार्यालयले पनि सार्वजनिक सूचना जारी गर्दै ‘मोदी खोला आसपासका बस्तीहरु बिरेठाँटी, स्याउलेबजारलगायतका बस्तीहरु सुरक्षित स्थानमा गई बस्नु हुन तथा सतर्कता अपनाउनु हुन अनुरोध गरिएको छ,’ भनेको छ ।

केही समयअघि पनि अत्यधिक वर्षाका कारण किम्रोङ र मोदी खोलामा आएको बाढीले पुलसमेत बगाएको छ । साथै, भौतिक संरचनामा क्षति पुग्नुका साथै सडक कटान गर्दा अहिले घान्द्रुक आउजाउ अबरुद्ध छ । किम्रोङ खोला मोदी खोला हुँदै पर्वतमा पुगेर कालीगण्डकी नदीमा मिसिन्छ ।

सम्बन्धित समाचार

बाढी प्रभावितको उद्धार र राहतमा तिव्रता दिने सरकारको निर्णय बाढी पूर्वानुमान महाशाखाको स्पष्टोक्ति : ‘थप ठूलो बाढी आउने हल्लामा सत्यता छैन’ रसुवागढी जलविद्युत् आयोजना स्थलमा उद्धार टोली परिचालित विष्णुमतीको जल सतह खतराको तहनजिक, बिहानसम्म उच्च सतर्क रहन अनुरोध भोटेकोशी बाढी : अनुगमन गरिएका २४ मध्ये २१ वटा सामग्री पत्रकार आचारसंहिता प्रतिकूल २३ भदौका दिन सार्वजनिक बिदा दिने सरकारको निर्णय विपद्का बेला अपुष्ट सूचना नफैलाउन प्रेस काउन्सिलको निर्देशन कोरिडोर केन्द्रित कृषि उत्पादन कार्यक्रम