लिस्बन । पोर्चुगलमा सम्पन्न युरोपस्तरीय ‘एनआरएनए टी-१० क्रिकेट प्रतियोगिता-२०२६’ को उपाधि गोरखा ११ क्रिकेट क्लब पोर्चुगलले जितेको छ।

गैरआवासीय नेपाली संघ (एनआरएनए) पोर्चुगलको आयोजनामा सान्तारेमस्थित क्रिकेट मैदानमा बिहीबार भएको फाइनलमा गोरखा ११ ले जिजिरा युनाइटेड क्रिकेट क्लब माल्टालाई पराजित गर्दै उपाधि जितेको हो।

टस जितेर पहिले ब्याटिङ गरेको जिजिरा युनाइटेडले निर्धारित १० ओभरमा ६ विकेट गुमाएर ९२ रन बनाएको थियो। ९३ रनको लक्ष्य पछ्याएको गोरखा ११ ले ८.३ ओभरमा लक्ष्य पूरा गरेको हो।

उपाधिसँगै गोरखा ११ ले पाँच हजार ५५५ युरो नगदसहित ट्रफी, मेडल र प्रमाणपत्र प्राप्त गरेको छ। उपविजेता जिजिराले दुई हजार ५५५ युरो नगदसहित ट्रफी, मेडल र प्रमाणपत्र प्राप्त गरेको छ। एनएससीए जर्मनी तेस्रो भएको छ।

जिजिरा माल्टाका मेहबुब अली प्रतियोगिताको उत्कृष्ट खेलाडी तथा सोही टोलीका सुरज दरैमगर उत्कृष्ट ब्याट्सम्यान घोषित भए।

एनआरएनए जर्मनीका आशिष निरौला उत्कृष्ट बलर घोषित भए।

सम्बन्धित समाचार

नेपाल ‘ए’ ‘टस’ जितेर न्युजिल्यान्ड विरुद्ध ‘ब्याटिङ’ गर्दै एसिसी प्रिमियर कपः नेपाललाई साउदी अरेबियाविरुद्ध फिल्डिङको निम्तो एसिसी प्रिमियर कपः साउदी अरेबियाद्वारा नेपाललाई १९१ रनको लक्ष्य ईसेवाले पायो एनपीएलको टिकट बेच्ने अधिकार एसिसी प्रिमियर कपः नेपाल ओमानसँग खेल्दै एनभीएल : काठमाडौं र कर्णाली फाइनलका लागि भिड्दै एउटै खेलमा कप्तान लामिछानेको नाममा तीन उपलब्धि नेपाली प्राविधिक एसियाडका लागि जापान जाँदै