काठमाडौं । नेपाली कांग्रेसको १५औँ महाधिवेशनमा काठमाडौँ क्षेत्र नं. ७ का महाधिवेशन प्रतिनिधि सुशील भट्टले केन्द्रीय सदस्य पदमा उम्मेदवारी घोषणा गरेका छन् ।

भट्टले कांग्रेसलाई नयाँ ऊर्जा, नयाँ सोच र जिम्मेवार पुस्ताको नेतृत्वसँग जोड्ने उद्देश्यले केन्द्रीय सदस्यमा उम्मेदवारी दिएको बताएका छन् ।

आफ्नो उम्मेदवारी’bout उनले आफूलाई कांग्रेसका इमानदार कार्यकर्ताको विश्वास, परिवर्तन चाहने युवाको आवाज तथा अग्रज पुस्ताको अनुभव र मार्गदर्शन रहेको उल्लेख गरेका छन् । उनले सिंगो कांग्रेसलाई आफ्नो टिमका रूपमा लिएको बताएका छन् ।

भट्टले आफूलाई कांग्रेसको ‘जरासँग’ तुलना गर्दै पार्टीलाई बलियो बनाउन आफूले माटोमुनि बसेर काम गर्ने बताएका छन् । ‘म जरा नै रहिरहूँ, कांग्रेसको रुख अझ बलियो बनोस्,’ उनले भनेका छन् ।

उनले आफ्नो उम्मेदवारी कुनै एक पुस्ताको मात्र नभएको बताएका छन् । ‘बा’देखि युवासम्म र दाइदेखि एआईसम्मलाई जोड्ने डिभाइस बन्न चाहेको उल्लेख गर्दै उनले परम्पराको सम्मान गर्दै परिवर्तनको बाटो रोज्ने अभियान आफ्नो उम्मेदवारी भएको बताएका छन् ।

‘अब कांग्रेसलाई केवल इतिहास सम्झिने होइन, इतिहास बनाउने पुस्तासँगै अघि बढाउने समय हो,’ भट्टले भनेका छन् ।

उनले १५औँ महाधिवेशनमा केन्द्रीय सदस्य पदमा आफ्नो उम्मेदवारीलाई महाधिवेशन प्रतिनिधिको माया, विश्वास, साथ र शुभेच्छाले अनुमोदन गरिदिन अपिल गरेका छन् ।

कांग्रेसलाई कार्यकर्ताले चाहेजस्तो बनाउन आफूले कुराभन्दा कामलाई प्राथमिकता दिने प्रतिबद्धता पनि उनले व्यक्त गरेका छन् ।

सम्बन्धित समाचार

ओलीसँग नजिकिए विष्णु, अझै दूरीमा शंकर ! कांग्रेसको १५औं महाधिवेशन: आज देशभर पालिका अधिवेशन हुँदै बालकृष्ण खाँण उभिए गगनको पक्षमा देउवा समूहले कोशी र मधेशबाहेक पाँच प्रदेशका ५५ जिल्लामा तोक्यो संयोजक, क-कसले पाए जिम्मेवारी ? राजनीतिक विश्लेषक भरत दाहाललाई थुनामुक्त गर्न सर्वोच्चको आदेश राष्ट्रसंघको महासभामा यस्तो हुलियामा देखिए प्रधानमन्त्रीका प्रमुख सल्लाहकार बेन विराटनगर कांग्रेस वडा अधिवेशनमा दुई पक्षबीच कुटाकुट देउवा कांग्रेसले महाधिवेशनमा पदाधिकारीको उम्मेदवार बन्न तोक्यो शुल्क